ساعات كتير بنقلق وبنسحل دماغنا في مواقف مضايقانا ونشغل بالنا قوي ليه فلان عمل كده؟ وكان بيفكر في إيه ساعتها وازاي أغير طريقة تفكيره دي؟ بدل ما نسأل نفسنا أنا حسيت بإيه وإيه دوري في اللي بيحصل ده وإيه إللي ممكن اعمله. وهنا بتيجي حاجة مهمة قوي محتاجين كلنا نتعلمها وهي “دواير ستيفن كوفي” اللي ممكن نطبقها عشان التخلص من التوتر والقلق النفسي. الكاتب الشهير ستيفن كوفي اتكلم في كتابه “العادات السبع للناس الأكثر فعالية” عن 3 دواير كلنا بنتحرك جواهم لما بنيجي نفكر في موضوع وبيعتبرهم أسلوب حياة للأشخاص!
Slow Living فن عيش الحياة بطيئة الرتم
دايرة التحكم: Circle of Control
ودي دايرتك إنتي.. دايرة “أنا”، الحاجات إللي تقدري إنتي تتحكمي فيها كإنسانة بشكل شخصي زي أفكارك ومشاعرك وسلوكك.. هتشتغلي إيه؟ هتصرفي الميتين جنيه إللي معاكي دلوقتي في إيه؟
تعليم الأطفال التحكم في الغضب .. أدوات مهمة لكل أم وأب
دايرة التأثير: Circle of Influence
دي دايرة الناس إللي محاطين بيكي.. أفراد أسرتك وشريك حياتك وأصحابك ومديرك في الشغل.. ودي دايرة ملكيش سيطرة كاملة عليها بس سوكياتك وردود أفعالك ممكن تأثر فيها..
زي مثلَا طريقة تعامل أولادك معاكي.. ابتك هيدخل الكلية دي ولا الكلية دي…
حاجات جايز يكون ليكي قدرة على التأثير فيها.. بس مش شرط هتعرفي تتحكم فيها زي الدايرة إللي فوق بتاعة التحكم.. يعني أنا اقدر أسيطر على نفسي إني ما أغضبش بس مش ضروري أعرف أسيطر على جوزي إنه ما يغضبش!
10 طرق لدعم صديقتك المصابة بالاكتئاب
دايرة الاهتمام: Circle of Concern
دي دايرة واسعة النطاق شوية بتحيط بيكي بشكل أكبر بس إنت ملكيش سيطرة عليها خالص.. زي إنه بيكيه خان شاكيرا أو إنه روسيا متخانقة مع أوكرانيا.. أو إنك صحيت لقيت الجو حر النهاردة أو إنه فيه أعصار ضرب بلد في أمريكا.. أو إنه الدولار بقى أغلى من الجنيه بمش عارف أد إيه!
عندي اكتئاب ومش عايزة آخد مضاد اكتئاب
بيوضح كوفي إنه الدواير إللي هتركزي عليها أكتر هتشغل جزء أكبر من تفكيرك ووقتك وطاقتك وبالتالي هتكون مسيطرة على حياتك.
كل ما تركزي أكتر على الحاجات اللي ليكي سيطرة عليها كل ما هتكبر دواير التحكم والتاثير عندك وهتقل مساحة دايرة الاهتمام.
اما لو زاد تركيزك وقلقك مع الحاجات اللي ملكيش تتحكمي فيها أو تغيريها هتزيد مساحة دايرة الاهتمام وهتكبر وهتتوحش وهتقل قوي مساحة دواير التحكم والتاثير وده مش هيسبب لك غير القلق والإحباط.
طبيعة الأشخاص
طبيعة الاشخاص بتحدد هما هيركزوا في أنهي دواير بالظبط
* الأشخاص المبادرين Proactive هيشوفوا إنه أفكارهم وسلوكهم ليها تأثير كبير على حياتهم بالتالي هيركزوا على نفسهم ويشوفوا مسئوليتهم وإللي يقدروا -همّا- يعملوه وده هيخليهم بالوقت يتطوروا جدًا ويحلوا مشاكلهم.
* الأشخاص الإنفعاليين Reactive همّا إللي أغلب الوقت عبارة عن “رد فعل” للي بيحصل لهم.. أشخاص بتغلب عيلهم السلبية، بيلوموا الناس التانيين والظروف على وضعهم السيء وبيستنوا التغيير يجي من برة ودايرة الاهتمام بتشغل 90% من تركيزهم ووقتهم ومجهودهم وهما دايما بيركزوا على اللي مش عارفين يغيروه او يقبلوه
التخلص من التوتر والقلق النفسي
طيب تعملي إيه دلوقتي بعد ما فهمت الكلام ده علشان تتحركي خطوة لقدام؟
1-اسألي نفسك فين مكانك في الدواير دي؟ إنتي عايشة في أنهي دواير؟ دايرة التحكم والتأثير ولا دايرة الاهتمام؟
2-هل إنتي فعالة ومبادرة تجاه حياتك بالشكل الكافي؟
3-إيه إللي محتاجة تعمليه علشان تنتقلي من الانحصار في دايرة الاهتمام وتروحي ناحية دايرة التحكم والتأثير؟
4-إيه إللي يساعدك تركزي في نفسك إنتي؟ أفكارك ومشاعرك وسلوكك؟
5-إيه إللي تقدري تغيريه في نفسك وفي الظروف إللي حواليكي وإيه إللي محتاجة تقبليه زي ما هو؟
بافكرك بدعاء السكينة
يارب أعطني السكينة لكي أقبل الأشياء التي لا أستطيع أن أغيرها
والشجاعة لأغير الأشياء التي أستطيع أن أغيرها
والحكمة لأعرف الفرق بينهما
ساعدني أن أحيا يومًا بيوم أستمتع بكل لحظة في وقتها
ساعدني أن أقبل الصعاب وأجتاز فيها لأصل إلى السلام
ساعدني أن أقبل العالم والناس كما هم وليس كما أريدهم أن يكونوا
ساعدني أن أتغير أنا
التعليق باستخدام حساب فيس بوك