محتويات المقال
أثناء فصل الصيف واستخدامنا لأجهزة التكييف كلنا كأمهات بيشغل بالنا أسئلة كتيرة: تشغيل التكييفات في وجود أطفالنا الرضع أو حديثي الولادة آمن ولا لأ؟ ياترى ده ممكن يسببلهم أدوار برد؟ إبني بيبرد أكتر مني؟ لازم ألبس بنتي طبقات كتيرة؟
بنحاول هنا نجاوب لك على كل الأسئلة اللي بتهمك في الموضوع ده ونعرفك الاحتياطات اللي محتاجة تاخديها مع استخدام التكييف في وجود طفلك.
تعرفي إن الحر بيضر طفلك زى البرد بالضبط؟
التكييف والأطفال – المصدر: Medical News Today
طبقًا لوزارة الصحة الإسترالية، حرارة الجو بتؤثر على الأطفال الرضع بصورة أكبر من البالغين لأنهم بيتعرقوا بنسبة أقل وده بيمنع أجسامهم من التأقلم مع ارتفاع درجات الحرارة. ده بيكون له أكتر من ضرر عليهم زى الجفاف أو ظهور طفح جلدي على أجسامهم أو احتمالية الإصابة بأمراض زى الإنهاك الحراري أو متلازمة موت الرضيع المفاجيء. هتلاحظي دايمًا لو طفلك مش متأقلم مع درجة الحرارة إنه بيعيط كتير من غير سبب واضح وبيتحرك كتير بعدم ارتياح.
التكييف والأطفال – المصدر: Formuland
طبقًا لبيبي سنتر، مفيش ضرر من تواجد الطفل الرضيع أو حديث الولادة في أوضة شغال فيها التكييف مع اتخاذ بعض الاحتياطات لتجنب انخفاض درجة حرارة الغرفة بشكل ممكن يضر الطفل ويسببله أدوار برد.
احتياطات للأم مع طفلها أثناء استخدام التكييف
التكييف والأطفال – المصدر: Parentune
- اتأكدي من تنظيف وترطيب أنف طفلك لأن التكييف بيخلي فتحة الأنف جافة وممكن يسبب نزيف الأنف. جهاز أوتري بيبي، شافط الأنف للأطفال الرضع ونقط أوتريفين بيبي سالين، هيساعدوكي في كده.
- اضبطي درجة حرارة التكييف ما بين 23 ل 26 بالتناسب مع درجة حرارة اليوم.
- لبسي طفلك هدوم قطن تغطي رجليه ودراعاته، طبقة واحدة أزيد منك بس. ممكن كمان تضيفي شراب وغطا للراس من القطن خاصة لو الطفل هينام والتكييف مفتوح.
- ماتنقليش طفلك بشكل مفاجيء من أوضة شغال فيها التكييف لأوضة تانية درجة حرارتها عالية لأن التغير المفاجيء في درجات الحرارة ممكن يسببله برد. اقفلي التكييف واستنوا شوية في ألأوضة وبعدين اتحركوا لمكان تاني.
- اعملي صيانة لأجهزة التكييف مع بداية استخدامها في فصل الصيف لأن مع عدم استخدامها لمدة طويلة بتكون محملة بالأتربة و ده ممكن يؤثر على الجيوب الأنفية والجهاز التنفسي لطفلك.
ليه أوتري بيبي لتنظيف أنف طفلك؟
OtriBaby from Otrivin
- آمن نسبيًا
أوتري بيبي لا يحتوي على أى مواد فعالة وبكده بتتفادي أي أعراض جانبية.
- نظيف
أوتري بيبي مزود بـ 2 غيار للرأس لتجنب العدوى وعازل بين رأس الجهاز والأنبوبة عشان المخاط مايوصلش للطرف.
- غير مؤلم
أوتري بيبي مصمم عشان يناسب فتحة أنف الرضيع وبرأس مطاطية عشان العملية تكون غير مؤلمة لطفلك
تقدري تشتري أوتري بيبي بسهولة أونلاين
لكافة المعلومات عن المنتج برجاء الرجوع للعبوة وقراءة النشرة الداخلية قبل الاستخدام
التعليق باستخدام حساب فيس بوك