محتويات المقال
مع وجود طفل جديد في البيت وسعادة الولادة والفرحة بيبقى في مصاريف كتير عشان مستلزمات الطفل والأم وكتير من الأمهات بيلاقوا إن تدبير الأمور المادية وترتيبها عملية صعبة وعشان كده جمعنا لك أهم النصائح للتوفير في المصاريف عند استقبال مولود جديد:
عروض Black Friday 2020: يلا اقفشي أكواد خصم البلاك فرايداي
أهم نصائح للتوفير في المصاريف عند استقبال مولود جديد
اعرفي الأساسيات
لو كنت أم جديدة فلازم تسألي وتدوري على الحاجات اللي لازم تشتريها والسعر والكمية لأن في حاجات بيبان إنها ضرورية بس مع الوقت بتلاقي إنك مش هتستخدميها .
ملابس المولود
احنا عارفين ازاي هدوم الأطفال الصغيرين بتبقى جميلة أوي ومش بتعرفي توقفي شراها بس لازم تاخدي بالك إن الطفل بينمو بسرعة كبيرة جدا ودا هيخليك تحتاجي لبس مقاس أكبر كل فترة، وهدوم الأطفال بتتبقع وتبوظ بسرعة، عشان كده حاولي تشتري الهدوم الموفرة زي أطقم الفانلات والهدوم العملية وعدد قليل جدا من الهدوم الغالية اللي من ماركات كويسةن وماتنسيش ان هيكون في هدوم كتير للطفل كهدايا.
العروض والخصومات
وانتي أونلاين دايما بتلاقي عروض كتير على الإنترنت وخصومات على حاجات ممكن ما تحتاجيهاش أبدا، ما تنساقيش مع العروض ووفري المبالغ القليلة دي عشان تشتري حاجة تمنها غالي بس محتاجاها.
ادخار الأموال
حاولي تفتحي حساب توفير لطفلك وحوشي مبلغ ولو قليل كل شهر لو قدرتي، وجود فلوس خاصة بطفلك حاجة ممكن تطمنك مع الوقت وخاصة لو المبلغ بيزيد.
مساعدة الأصدقاء
ممكن تطلبي حاجة معينة من أصحابك وقرايبك لما تعرفي إنهم هيجيبولك هدايا، وممكن تقوليلهم إيه اللي ناقصك وتحددي اللي انت عايزاه بالضبط.
إزاي تلعبي مع طفلك حديث الولادة
أكل طفلك والرضاعة
الرضاعة الطبيعية من الحاجات اللي بتوفر كتير لو قارنتيها بالرضاعة الصناعية مع فوائدها عشان كده حاولي إن طفلك يعتمد عليها، ولما تبدأي تدخلي أكل لطفلك حاولي يكون أكل انتي اللي عاملاه لأن ده أوفر بكتير.
حفاضات طفلك
زي أي أم جديدة هتحتاجي كمية كبيرة جدا من الحفاضات عشان كده هيكون الأفضل انك تشتريها في أوقات العروض والتخفيضات وتشتري عبوات كبيرة موفرة.
المناديل المبللة
ممكن تستغني عن المناديل المبللة اللي بتحتاجيها وانتي بتغيري لطفلك وتستبدليها بالقطن والميه اللي مش بس هيكونوا أوفر لكن هيكونوا ألطف على بشرة طفلك.
وبنتمنالك حياة سعيدة ومريحة مع مولودك الجميل
المصدر:
كتاب pregnancy the beginner’s guide
التعليق باستخدام حساب فيس بوك