محتويات المقال
سمعتي قبل كده عن بنوك الحبل السري؟ آه فعلا في حاجة اسمها كده، ودي بنوك للاحتفاظ بالحبل السري للجنين بعد الولادة، بس الأهم من معلومة وجودها، هي معلومة فايدتها وأسبابها، وده اللي هنعرفه في المقال ده:
-
ليه ممكن حد يحتفظ بالحبل السري؟
السبب الرئيسي للاحتفاظ بالحبل السري، هو الاستفادة بالخلايا الجذعية الموجودة فيه.
-
إيه فايدة الخلايا الجذعية؟
الاستخدام الأساسي والمركزي لهذه الخلايا هو زرع النخاع العظمي، كجزء من معالجة أمراض الدم، سواء كانت خبيثة وسرطانية أو حتى وراثية،
-
الأمراض اللي بتعالجها الخلايا الجذعية بالفعل:
- علاج حوالي 60 نوع مختلف من أمراض جهاز المناعة والدم.
- علاج مرضى سرطان الدم(اللوكيميا – Leukemia).
- علاج متلازمة فقر الدم (Fanconi Anemia).
-
بعض الأمراض اللي متوقع في المستقبل إنها تتعالج بالخلايا الجذعية:
- السكر
- الزهايمر (Alzheimer).
- الباركنسون(Parkinson).
- تجديد وترميم الخلايا المصابة والمتضررة.
- ترميم وإنشاء الأنسجة اللي تعرضت للإصابات أو الأمراض.
- بديل جزئي أو كامل لزرع الأعضاء، زي: خلايا القلب، والخلايا العصبية، وخلايا الكبد وخلايا البنكرياس المنتجة للإنسولين.
-
طريقة الاحتفاظ بالحبل السري:
- بيتجمع دم الحبل السري والمشيمة اللي بيتبقى فيهم مع انتهاء عملية الولادة، وبيتم إرساله لبنك الدم السري لو موجود في الدولة.
- بيخضع الدم ده لسلسلة من الفحوص والمعالجات، وبيتجمد في درجة حرارة تصل لـ 196 درجة مئوية تحت الصفر.
-
ازاي بيستخدم الحبل السري بعد تجميده؟
لو المولود احتاج دم الحبل السري في مرحلة من مراحل حياته، بتتدوب الخلايا الجذعية دي وبتستخدم لإنقاذ حياته أو حياة شخص بيقرب له من الدرجة الأولى.
-
احصائيات عن استخدامات الحبل السري:
- بتستخدم الخلايا الجذعية السُرية في الاجراءات الطبية المتعلقة بزرع النخاع العظمي، وفي معالجة حوالي 60 مرض مختلف من أمراض الدم والجهاز المناعي.
- في الولايات المتحدة تصل نسبة زرع الخلايا الجذعية لحوالي 40% من مجمل عمليات الزرع لدى الأطفال، وحوالي 20% من مجمل عمليات الزرع لدى البالغين.
- في اليابان، تبلغ نسبة عمليات زرع الخلايا الجذعية أكتر من 50%.
لبن السرسوب.. الكنز إللي ما حدش عارف قيمته الحقيقية
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك