حالات الحمل في سن الأربعين كتيرة جدًا، سواءً كان مخطط لها أو لأ، والحقيقة إنه احتمال مخيف لكتير من الستات، لكن الحمل في السن ده مش خطير قوي ولا احتمالاته سيئة. لكن لازم يكون في احتياطات كبيرة جدًا والتزام تام بالنصائح الطبية علشان يكمل على خير. وفي المقال ده، هنقول لك على كل حاجة الحامل محتاجة تعرفها عن الحمل في سن الأربعين.
-
كيفية الحمل بعد سن الأربعين؟
- لازم تعرفي إن معدل الخصوبة هيكون أقل من العمر اللي قبل سن الـ 35، بسبب انخفاض معدل التبويض، أو لأي أسباب صحية تانية، فممكن تتأخري أكتر من 6 شهور على ما يحصل حمل، وفي الحالة دي يستحسن تروحي لطبيب نساء وتوليد علشان يساعدك.
- الحفاظ على الوزن.
- اتباع نظام غذائي صحي ومتوازن.
- لو انتي مدخنة، يبقى لازم توقفي تدخين
- امنعي المشروبات الكحولية لو بتشربيها
- تناول مكملات حمض الفوليك بانتظام.
-
إيه مخاطر الحمل بعد سن الأربعين على الأم والجنين؟
- السيدات الأكبر من 35 سنة، بيكنوا أكتر عرضة بمقدار الضعف عن اللي في العشرينات من العمر للإصابة بارتفاع ضغط الدم أو السكري أثناء الحمل.
- السمنة الزائدة التي قد تؤثر على قلبها.
- الولادة المبكرة.
- الإجهاض ممكن يحصل بنسبة 40%
- التعرض لمشكلات المشيمة والنزيف أثناء الحمل.
- الاضطرابات الخلقية للجنين، زي متلازمة داون.
- في سن من 40 حتى 49 عاما بتحتاج الحوامل إلى الولادة القيصرية بنسبة 31,6%،
- طول عملية الولادة نفسها بيشكل ضغط على الجنين.
- زيادة احتمالية الحمل في توائم.
-
إزاي أحافظ على حمل سليم وصحي بعد سن الأربعين؟
- المتابعة المستمرة والمتوالية مع طبيب النساء والتوليد من قبل الحمل لحد بعد الولادة.
- الحرص على تناول أغذية صحية قبل وأثناء الحمل، ومحاولة ضمان وزن مثالي بالنسبة لطول المرأة قبل الحمل.
- الحرص على تناول 400 ميكروجرام (0,4 ملليجرام) من حمض الفوليك يوميا، بدءا من فترة ما قبل الحمل، وإلى جانب المكملات، في برضه الأطعمة الغنية بحمض الفوليك، زي الخس والخضروات الأخرى ذات الأوراق الخضراء؛ البقول المجففة؛ البرتقال والقمح.
- الامتناع عن تعاطي الكحول أو التدخين أثناء الحمل.
- ممنوع تناول أي أدوية نهائيًا خلال الحمل، وإذا احتجتي أي مسكنات أو أدوية لازم ترجعي لدكتورك الأول.
- حافظي على نشاطك طول الوقت، لإن النشاط البدني المنتظم بيساعد على تخفيف الشعور بعدم الارتياح أو حتى منعه وبيزود مستوى الطاقة في جسمك وتحسين حالتك الصحية عمومًا. وبيساعدك برضه على الاستعداد للمخاض والولادة من خلال زيادة قدرة تحملك وقوة العضلات.
مع تمنياتنا ليكي برحلة حمل صحية وسليمة.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
webteb.com
mayoclinic.org
What’s your Reaction?
التعليق باستخدام حساب فيس بوك