الديرما بن واحدة من علاجات البشرة اللي لها سمعة حسنة بتزيد كل يوم، بس فيه ناس فكرة استخداام ديرما بن لوشها بتخوّفها لإنها عبارة عن قلم فيه إبر، الفكرة دي ممكن تكون مرعبة بالنسبة لناس كتير، علشان كده هنتكلم عنها بشكل مفصل هيوضح لك هي عبارة عن إيه.
إيه هو الديرما بن؟
الديرما بن أداة فيها مجموعة إبر أطوالها بتختلف حسب مكان العلاج. آلية عملها إنها بتعمل ثقوب دقيقة على طبقة الجلد السطحية، ده طبعا بعد وضع كريم مخدر موضعي لتجنب إنها تكون تجربة مؤلمة. اللي بيحصل إن الثقوب دي بتخلق مسام جديدة في البشرة وتحفيز قوي جدًا لإنتاج الكولاجين اللي بكل بساطة ممكن يكون إنتاجه توقف لأي سبب.
اقري هنا أهم وسائل تحفيز الكولاجين للبشرة
فوائد الديرما بن للبشرة
- ندبات حب الشباب
- الندبات الجراحية
- ندوب الحروق
- الثعلبة
- التجاعيد والخطوط الدقيقة وعلامات شيخوخة الجلد الأخرى
- علامات التمدد
- الجلد الجاف والمتهدل
- مشاكل فرط تصبغ الجلد
هنا دليلك عن التقشير الكيميائي للبشرة .. وأهم منتجات التقشير في المنزل
مميزات الديرما بن للوجه
-
فترة الشفاء قصيرة
على عكس تقنيات علاج البشرة التانية، الديرما بن تقدري ترجعي لروتين حياتك العادي بعد 24 ساعة لـ 48 ساعة، مش مضطرة تقعدي بالأيام في البيت.
-
مافيش آثار جانبية
المميز في العلاج عن طريق قلم/إبرة ديرما إنها بتستخدم قدرات الشفاء الطبيعية الموجودة في البشرة، فبالتالي مافيش أي آثار جانبية محتملة منها.
-
بتحل المشاكل الشائعة للبشرة
من مميزاتها الحقيقية إنها بتعيد للبشرة القدرة على امتصاص الفيتامينات من جديد وزيادة كثافة الكولاجين في طبقات البشرة اللي بدورها بتزوّد من شبابها. ده غير إنك هتلاحظي إن تأثير منتجات العناية بالبشرة اللي بتستخدميها بقى واضح وأسرع كمان.
مين ممنوع من استخدام الديرما بن؟
مهم تعرفي إن فيه حالات مش هينفع معاها طريقة العلاج عن طريق استخدام ديرما بن اللي هم:
- اللي عندهم عدوى جلدية نشطة
- اللي عندهم حب الشباب النشط
- اللي بياخدوا أدوية سيولة
- نوع بشرة غير مستقر
وكل ده محتاج منك إنك تحكي لطبيبك حالتك الصحية بالكامل، وأنواع الأدوية اللي بتتناوليها، وأكيد بعد الكشف على طبيعة جلدك من طبيب جلدية مختص.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك