” انا ٣٨ سنة وناجحة جدا في شغلي ومش حابة اتجوز وكنت رافضة المبدأ ومازلت وبقول لو نفسي في ولاد ساعتها اكفل طفل واخد الثواب اتقدملي شاب صالونات مفيهوش عيب واهلي مصممين اني اتجوز وانا لسه على موقفي مش حاباه ومش كارهاه بس ادوني سبب اسيب نجاحي وسفرياتي وحياتي واتجوز راجل ممكن يكون مش مثالي زي ما باين عليه من بره ويبهدلني انا زهقت من زنهم عليا انصحوني ”

” جوزى على قد حاله وبيشتغل لحد ٨ بليل وأنا بشتغل ومكنتش بساعد اوي فى مصاريف البيت بس بعد ما البنات دخلوا المدرسة حالنا اتقلب والعبشة بقت يا دوب على قد اكل بقيت اساعد وبنتزنق جوزى مش لاقى يدخل البنات المدرسة عرض عليا اساعده وندخل جمعيات مع بعض بس بجد تعبت من المسؤلية والتربية لوحدى ليه انا اتحمل مصاريف معاه مش ده مسؤليته هو يتصرف يا ريت رد بدون اساءة ”

” جوزي عايش بره وعندنا ٣ ولاد بيرجع شهر في السنة اكتشفت بالصدفة وهو في اجازة من ايميله انه متجوز هناك وعنده ولد والمدرسة باعتينله ايميل بأسم ابنه انا هيجرالي حاجة من ساعة ما عرفت وعايزة اخد حقي اعمل ايه ضرورى ”

” انا عندي مشكله وبجد نفسي الاقي حل ليها انا متحوزه بقالي سنتين وجوزي يعتبر مكنش بييجي جانبي الا اول شهرين بس لعاية ما حملت واسفه فالكلام اللي هقوله لو محرج هو عنده مشكله فالموضوع ده مبيكملش خمس ثواني اصلا وبعد ما حملت مكنش بييجي يمي بحجة الحمل وبتاع بس هو بيحبني جدا ودايما مقرب مني ب اشكال تانيه فالسرير غير الموضوع ده ممكن اعرف ايه الحل ؟ ”

” عندى مشكله..بنت اختى رغايه و رخمه اوى و بتجيب صداع من اول نص ساعه كافى انو ينيمك ٥ ساعات علشان دماغك تخف…بتسال كتير و موسوسه فى حاجات..مثلا لو دخلت الحمام ممكن تقعد ساعه …طب انا كده اتوضت صح.ال..اقولها متعمليش حاجه معينه…تقولى هحاول…اقولها قولى مش هعملها تقولى اخاف اعمل كده من غير ماخد بالى و ابقى بكدب…فى حل…فى دكتور نفسانى اطفال كويس؟ ”