محتويات المقال
لو أم جديدة لتوأم ؟ ألف مبروك قدامك رحلة طويلة فيها تعب وسعادة كبيرة كمان، ولو كنتي قررتي ترضعيهم بشكل طبيعي فإحنا هنا لمساعدتك.
في المقال ده جمعنا لك خمسة نصائح ممكن تفيدك في رحلة الرضاعة الطبيعية معاهم
ناتالي دياز ، وهي أم لتوأم ومؤسسة Twiniversity ، بتقول “محدش يعرف ازاي يرضع التوائم رضاعة طبيعية بين يوم وليلة.
حطي أهداف صغيرة لنفسك والتحضير المسبق هو المفتاح – مش بس تدوري على الوسائل المساعدة المناسبة، ولكن كمان إن يبقى في حد موجود لمساعدتك لما تبدأي جلسات الرضاعة الطبيعية وتخلصيها “.
ابدئي بالرضاعة الطبيعية بعد وقت قصير من الولادة:
أكتر حاجة بتخاف منها أي أم لتوأم هي أنها ما تلاقيش كمية كافية من الحليب لاثنين وعشان تعمل كده يتطلب الثدي تحفيزًا متكررًا ومنتظمًا عشان ينتج الكمية المناسبة من الحليب للأطفال.
عشان كده لو قدرتي فابدئي في الرضاعة الطبيعية في غضون ساعة واسمحي للتوائم واحد فيهم أو الاتنين مع بعض بالرضاعة من ثديك كلما ظهرت عليهما علامات الجوع.
اعتمدي وضع مريح للرضاعة الطبيعية:
الوضع مهم للغاية لما تيجي ترضعي توائم رضاعة طبيعية وفي أوضاع كتير بتفضلها الأمهات عند الرضاعة الطبيعية لتوائم ومفيش طريقة واحدة هي بس اللي صح.
لازم أوضاع الرضاعة الطبيعية تسمحلك بإرخاء ظهرك ورقبتك.
ولأولادك لازم الوضعية اللي تختاريها تسمحلهم بالهضم بسهولة أثناء الرضاعة.
ابدئي بتوأم واحد في كل مرة:
ولأنك أم جديدة لتوأم فهيكون كويس أنك تبدأي بالتدريج ، مع طفل واحد في جانب واحد من الثدي.
بمجرد انه يلتصق بشكل صحيح وتحسي بالراحة ، حاولي إنك ترضعي أخوه في نفس الوقت.
لازم تكوني صبورة مع نفسك واعرفي انك هتقدري تتعلمي ازاي ترضعيهم كويس مع الوقت وإنها مهارة زي أي مهارة تانية محتاجة بس انك تمارسيها بانتظام.
ارتاحي:
أنت محتاجة أكبر قدر ممكن من الراحة فلما ينام التوأم حديث الولادة ، لازم تنامي كمان.
اطلبي من الأصدقاء وأفراد الأسرة انهم يساعدوكي في البيت.
في الأيام الأولى ، مهمتك دلوقتي هي انك تتعافي وتعتني بتوأمك الجديد كل حاجة تانية ممكن تستنى.
اشربي مياه كتير:
شرب الميه من أهم العوامل اللي بتأثر على انتاج حليب الأم وأول ما تولدي دا وقت مهم لأن جسمك ساعتها بيقرر كمية الميه اللي هيستخدمها لإنتاج الحليب فلازم تكوني بتشربي كمية ميه مناسبة وممكن تحسي بالعطش كمان لأن دي طريقة جسمك لتنبيهك لأهمية الميه.
وبنفكرك إنك لو قابلتك مشاكل في الرضاعة الطبيعية لازم تستشيري المختصين، وتقدري تشوفي دليل أشهر استشاريين الرضاعة الطبيعية في القاهرة
المصادر:
التعليق باستخدام حساب فيس بوك