كل الأمهات حياتهم بتتغير بعد الولادة والرضاعة الطبيعية، مش بس في النوم والوقت وشكل الجسم، لكن في الهرمونات والرغبات البيولوجية. وده طبيعي بسبب كل التغييرات الكبيرة اللي حصلت لجسم المرأة، ومن أهم التغييرات دي تغير الرغبة الجنسية، فهل يا ترى بتزيد ولا تقل مع الرضاعة الطبيعية؟ ده اللي هنتكلم عنه بالتفصيل علاقة الرضاعة الطبيعية والرغبة الجنسية عند المرأة.
-
إيه العلاقة بين الرضاعة الطبيعية والرغبة الجنسية؟
- في فترة الرضاعة الطبيعية، بيقل هرمون الاستروجين جدًا، علشان يمنع الجسم من الحمل في الوقت الحالي، وده بيؤثر بشكل كبير على نقص الرغبة الجنسية عند المرأة.
- ده غير إن نقص هرمون الاستروجين بيسبب جفاف المهبل، فبيخلي العلاقة الحميمة مؤلمة، وبالتالي بتتجنبها الزوجة علشان ما تحسش بالوجع ده.
- فيه تغييرات غير هرمونية، زي الإرهاق وقلة النوم بسبب العناية بالرضيع، أو آلام حلمات الثدي بسبب الرضاعة الطبيعية.
5 حاجات هتتغير في العلاقة الجنسية بعد الحمل والولادة
-
إيه حل نقص الرغبة الجنسية للمرضعة؟
- استخدام مزلق حميمي مناسب لعلاج مشكلة جفاف المهبل.
- الكلام مع الزوج عن التغيير الجديد اللي بيحصل في جسم الزوجة.
- تغيير روتين العلاقة الحميمة علشان يزيد إثارة المرأة.
- إطالة الفترة اللي بتسبق العلاقة الجنسية، علشان الزوجة تكون مستعدة أكتر للجماع.
- طلب المساعدة في رعاية البيبي، علشان جسم الأم ياخد راحته ويستعيد عافيته، فتكون الأم جاهزة أكتر للعلاقة الزوجية.
- لو المرضعة بتعاني من تشققات الحلمات بسبب الرضاعة الطبيعية، لازم تعالجها علشان تتخلص من آلامها اللي بالتأكيد بتؤثر سلبًا على العلاقة الحميمة.
-
هل كل المرضعات بيعانوا من نقص الرغبة الجنسية؟
الحقيقة إن لا مش كلهم، في أمهات بتكون فترة الرضاعة الطبيعية بالنسبة لهم، محفزة أكتر للعلاقة الجنسية، وده بيرجع للاختلافات بين كل جسم والتاني.
5 تغيرات هرمونية تحدث لجسم المرأة بعد الزواج
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
babycenter.com
What’s your Reaction?
التعليق باستخدام حساب فيس بوك