لما الناس بتفكّر تخس بتلجأ لحاجتين طبعًا الرجيم أول حاجة وتاني حاجة الرياضة سواء بقى اشتراك في الجيم أو مشي أو جري أو سكواتس وغيرهم كتير، بس اللي كتير ميعرفهوش هو إن الرقص الشرقي من الوسائل الفعالة جدًا للتخسيس والحفاظ على رشاقتك.. الرقص فن شامل مش بيعتمد على شوية حركات أنثوية وخلاص، الرقص بيعتمد على حركات زي الحركات الرياضية بضبط وبيساعد على حرق الدهون وإنقاص الوزن وفي الموضوع ده هنعرفك إزاي تستغلي الرقص الشرقي لخسارة الوزن.
Walk At Home: ليه ممارسة رياضة المشي في البيت مهمة؟
الرقص الشرقي لخسارة الوزن
الرقص الشرقي فن ورياضة
- الرقص الشرقي بيعتمد على حركات بتركز على مناطق الفخدين والدراعين والبطن، لو عندك مشكلة تراكم دهون في منطقة من دول الرقص الشرقي هيساعدك في حرق الدهون وخصوصًا منطقة البطن اللي بتكون مترهلة شوية بعد الولادة القيصري والرقص هيساعدك كتير في إنه يخلي مظهرها مشدود تاني.
- الرقص الشرقي بيساعد في تنشيط الدورة الدموية اللي بيساعد في تقوية الأوعية الدموية وحماية القلب من الأمراض.
- لو حابة إنك تبدأي بالرقص كرياضة ممكن تستعيني بدروس الرقص اللي بتكون موجودة في صالات الجيم أو لو معندكيش وقت إنك تروحي الجيم ممكن تبدأي تتفرجي على فيديوهات تمارين الرقص الشرقي عشان تقدري تنفذيها صح زي الفيديو الموضح ده:
- الفيديو السابق هو لليلى اسحق، ليلى هي راقصة وممثلة ومدربة شخصية واتدربت مع أشهر مدربين رقص شرقي حول العالم، حبها للرقص بدء من الطفولة وقررت إنها تدي دروس رقص وبحكم طبيعة شغلها في الرياضة قررت إنها تدمج ما بين الرياضة والرقص الشرقي عشان يبقى تمرين لطيف ويساعد على التخسيس وشد ونحت الجسم، ليلى بتعمل فيديوهات كتير على قناتها على اليوتيوب وبتخصص تمارين لكل منطقة في الجسم زي مناطق الأرداف والبطن وكمان بتدمج بين تمارين الكارديو مع الرقص اللي ممكن تستعيني بيهم لو حابة إنك نعملي تمارين الرقص الشرقي للتخسيس ودي بعض من فيديوهاتها:
الرقص الشرقي مش رياضة عادية بتعتمد على عدد الحركات والأوزان بس زي الأيروبيكس، الرقص مسلي وبيحسن المزاج ولو بتزهقي من الجيم والتمارين العادية بالتأكيد الرفص الشرقي هيكون أنسب رياضة ليكي وتحسن من نفسيتك بصورة كبيرة.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
Leilahbellydancer
قناة اليوتيوب
What’s your Reaction?
التعليق باستخدام حساب فيس بوك