في الصيف ومع السفر للأماكن الساحلية، السباحة بتكون نشاط أساسي في الفترة دي، سواءً في البحر أو حمامات السباحة، بس مرات بتصادف إنك مسافرة في وقت الدورة الشهرية بتاعتك، فهل ده معناه إن الرحلة ضاعت عليكي وهتفضلي ممنوعة من السباحة؟ ولا فيه مجال تنزلي المياه؟ ده اللي هتعرفيه بالتفصيل كل حاجه عن السباحة في البحر أثناء الدورة الشهرية.
-
هل أقدر أمارس السباحة في الدورة الشهرية؟
تقدري مع بعض الاحتياطات، وبالعكس كمان السباحة لها فوائد أثناء الدورة الشهرية
-
فوائد السباحة أثناء الدورة الشهرية
- التخفيف من التقلصات والآلام المصاحبة للدورة الشهرية وعسر الطمث، لإن السباحة من الرياضات اللي بتزيد من معدل ضربات القلب، وتعزيز بعض المواد الكيميائية المهمة في الدماغ، زي الإندروفين، وهو هرمون طبيعي يساعد على تخفيف الألم وتحسين الحالة المزاجية.
- التخفيف من آلام الظهر المصاحبة للدورة الشهرية؛ نتيجة رفع المياه الجسم لأعلى وتخفيف الضغط على الظهر.
- تحسين المزاج والتقليل من أعراض الاكتئاب أثناء الدورة الشهرية.
- التقليل من الانتفاخات اللي بتسببها الدورة الشهرية في الجسم.
-
احتياطات قبل السباحة أثناء الدورة الشهرية
- لو هتستخدمي فوط صحية، يبقى لازم تستخدمي فوط خاصة بالسباحة، لإن الفوط العادية هتمتص المياه وهتتقل، ومش هيكون عندها القدرة إنها تمتص الدم، ده غير إنها هتسبب لك مشاكل جلدية
- التامبون مناسب جدًا للسباحة، بس لازم تغيريه كل 4 ساعات، لإنه مرات بيمتص المياه، ولكن ده مناسب للمتزوجات فقط، ما ينفعش بنت تستخدمه.
- كأس الدورة الشهرية مناسب للسباحة، بس لازم تفضيه كل 6 ساعات، وهو كمان مش مناسب للبنات، لإن التامبون والكأس وسائل مهبلية.
هل جربتي التامبون؟ .. اعرفي مميزاته وعيوبه وأسعاره
-
ملابس السباحة أثناء الدورة الشهرية
- ابعدي عن أي ملابس قطنية، لإنها هتتملي بالمياه وهتكون تقيلة ومش مريحة ومش هتمنع أي تسريب.
- البسي مقاس أوسع من مقاسك علشان يكون مريح أكتر في الفترة دي.
- حاولي تختاري ألوان غامقة، علشان لو حصل تسريب ما يبانش.
- اختاري ملابس سميكة عند منطقة البيكيني.
هل السباحة في البحر تضر الحائض؟
مفيش أضرار مباشرة للسباحة أثناء الدورة الشهرية، لكن لو إنتي أصلًا مصابة بتشنجات، وتقلصات شديدة في البطن، أو عندك دوخة وغثيان، فالأفضل إنك ما تنزليش المياه، ولازم تستشيري طبيبك قبل السباحة.
خرافات شائعة عن نزول البحر أثناء الدورة الشهرية
- الخرافة الأولى: السباحة أثناء الدورة الشهرية مضر وقد يؤدي إلى تأخر الدورة الشهرية.
الحقيقة: أن التعرض للماء من خلال الاستحمام أو السباحة أثناء الدورة الشهرية لا يضر ولا يسبب توقف نزول الدم، قد يختلف معدل تدفق الدم من الجسم أثناء الوجود في الماء فقط، وده بسبب ضغط المياه، ولكن تبقى الدورة مستمرة. - الخرافة الثانية: من الممكن نزول دم الحيض أثناء السباحة. وتسرب دم الدورة الشهرية في حمام السباحة، وهيبان لون الدم في المياه وحمام السباحة هيتلوث.
الحقيقة: لو استخدمتي الاحتياطات الكاملة قبل نزول حمام السباحة، مش هيحصل كل ده.
- الخرافة التالتة: الدم اللي بينزل من الدورة الشهرية، هيجذب أسماك القرش، وخصوصًا في اماكن الغوص أو المياه العميقة.
الحقيقة: مفيش أي دراسة علمية أثبتت الكلام ده.
- الخرافة الرابعة: ممكن تتنقل لك أي أمراض من نزول حمامات السباحة أثناء الدورة الشهرية.
الحقيقة: حمامات السباحة بتكون مليانة بالمواد المعقمة اللي بتمنع انتقال أي أمراض.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
altibbi.com
What’s your Reaction?
التعليق باستخدام حساب فيس بوك