كل اعلانات التلفزيون الخاصة بالطبخ بتتكلم إن منتجات السمن والزبدة الخاصة بيهم هي أحسن منتجات ولازم كل ست تستخدمها علشان صحة ولادها وعيلتها. بس في الحقيقة إن الموضوع بيبقى محير جدًا للأمهات وبيبقى أكبر بكتير من كلام الإعلانات ولحد دلوقتي فيه سيدات كتير بتتلخبط بين الفرق بينهم، هل تستخدم السمن ولا الزبدة والسمن النباتي ولا الحيواني. علشان كده في المقال ده هنكلمك على الفرق بين السمن والزبدة واستخداما تهم في الطبخ وكمان الفرق بين السمن النباتي والحيواني.
الفرق بين الزبدة والسمن
- الزبدة: الزبدة هي من منتجات اللبن واللبن هو المكون الرئيسي للزبدة، وممكن تتصنع من اللبن البقري أو الجاموسي أو لبن الماعز وبتتصنع عن طريق فصل السائل من المادة الصلبة من اللبن. والزبدة بتستخدم في الطبخ، والحلويات أو المعجنات، أو ممكن في الاطل لو مملحة. ومن أشهر أنواع الزبدة المتواجدة في السوق هي الزبدة الفرنسي وفيه أنواع كتير منها زي زبدة لورباك.
- السمن: السمن كمان من منتجات اللبن لانها مشتقة من الزبدة البلدي العادية وبيتم عمل السمن عن طريق اذابة الزبدة غير المملحة لحد ما تتكون طبقة صلبة وطبقة سائلة وبيتم تجميع الطبقة السائلة لحد ما تبرد وتاخد شكل السمن.
هنا ممكن تعرفي الفرق بين الصويا صوص الفاتح والغامق واستخدامات كل نوع
السمن ولا الزبد في الطبخ .. تستخدمي إيه؟
- السمن بيعتمد في صناعته على تسخين الزبد وفصل اللبن اللي بيكون صلب والجزء المتبقي السائل هو السمن فالسمن هتكون اختيار أحسن للأشخاص اللي عندهم حساسية من منتجات اللبن.
- السعرات الحرارية الموجودة في السمن بتكون أعلى من الزبدة، فلو بتحبي دهون أقل في الطبخ الزبدة هتكون اختيار أفضل ليكي.
- الزبدة مش بتتحمل درجة حرارة عالية فهتكون غير مناسبة عند التسخين أو الطبخ عكس السمنة اللي ممكن تستحمل درجات حرارة عالية.
- الزبد بيستخدم أكتر في صناعة الحلويات والمعجنات وممكن تستخدميه في الطبخ عادي على نار قليلة ومتسيييهاش تغلي ومع باضافة الزيت.
الفرق بين السمن النباتي والحيواني
- السمن النباتي: السمن النباتي هو سمن مصنع بيعتمد في تصنيعه على عملية هدرجة الزيت سواء زيت الكانولا أو زيت الصويا او زيت الفول وبيتم اضافة مواد منكهة كتير ليه عسان يبقى طعمه قريب من السمن الحيواني. وسعره بيكون أقل بكتير من السمن الحيواني.
- السمن الحيواني: السمن الحيواني أو البلدي هو سمن طبيعي بيتم صناعته كليًا عن طريق اذابة الزبدة الطبيعية المصنوعة من لبن البقر أو الجاموس.
ممكن تعرفي هنا تعرفي على أسماء قطعيات اللحوم .. وما يناسب كل أكلة
بعد ما استعرضنا الفرق بين انواع السمن والفرق بين الزبد والسمن بننصحك تخلي اختيارك دايمًا للسمن والزبد المصنوع من الألبان الطبيعية وتبعدي عن استخدام السمن المهدرج في الطبخ وبنتمنى ليكم دوام الصحة والسلامة.
بالفيديو: تتبيلات الفراخ لوجبات الإسبوع
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك