محتويات المقال
السونار المهبلي هو نوع اختبار سونار (موجات صوتية) بيصوّر الحوض بتاعك من الداخل بما فيه المثانة والمهبل والرحم والمبيضين وقنوات فالوب. إيه الفرق بين السونار المهبلي والسونار الخارجي؟ وهل السونار المهبلي يكشف الحمل قبل الدورة؟ ده اللي هنعرفه في المقال ده.
اقرأي أيضًا: حملتي على اللولب! .. أسباب وأعراض الحمل على اللولب
الفرق بين السونار المهبلي والسونار الخارجي
طبعًا الفرق الأساسي والواضح إن السونار المهبلي بيكون زي الصورة كده جهاز له جزء مستقيم وأسطواني بيدخل في المهبل عشان يكشف الرحم من الداخل ويكشف كمان على المبايض والمثانة والحالب، في حين إن السونار الخارجي مش بيعمل التدخل ده، وبيكشف من على البطن من برا على الرحم. والفرق الأعمق هنا إن السونار المهبلي بيشوف أكتر من السونار الخارجي لإن السونار الخارجي مش بيكشف تفاصيل المبايض وقنوات فالوب والحوض. في الصور دي هتشوفي الفرق.
السونار الخارجي
السونار المهبلي
هل السونار المهبلي يكشف الحمل قبل الدورة؟
كون السونار المهبلي بيكشف المبايض وقنوات فالوب، فهو بيستخدم عشان يكشف التبويض، وعشان يكشف البويضة الملقحة في مكانها أو حتى الحمل خارج الرحم. فالأجابة هي آه، السونار المهبلي ممكن يكشف الحمل قبل الدورة.
هل السونار المهبلي في شهور الحمل الأولى خطر؟
السونار المهبلي مافيش منه أي ضرر أو خطر طالما استخدم الطبيب عازل عليه عشان منع انتقال أي التهابات أو عدوى. إنما دخول شيء للمهبل ما فيهوش أي خطر على الجنين أو الحمل.
اقري هنا عن ممارسة العلاقة الحميمة أثناء الحمل.
تجربتي مع السونار المهبلي
في البداية، كنت خايفة من السونار المهبلي، لكن لما خضته، لقيت مفيش داعي للقلق أو الخوف. الموضوع كله إنك بتحسي بضغط شوية نتيجة دخول الجهاز للمهبل إنما لو انتي مسترخية وأعصابك مش مشدودة، مش هتلاقي أي ألم.
المصدر
WebMD
التعليق باستخدام حساب فيس بوك