الصويا صوص يعتبر من أشهر وأهم المكونات اللي بتستخدم في الأكل الصيني وتتبيلات الفراخ وبعض اللحوم كمان، الصويا صوص بيضيف نكهة مميزة جدًا عن أي صوص تاني بتستخدميه لو تبلتي بيه الفراخ أو حتى استخدمتيه في المكرونة النودلز.. لكن فيه حيرة كبيرة بتقف قدامها ستاات كتير وهي واقفة في السوبر ماركت وشايفة نوعين من الصويا صوص: الصويا صوص الفاتح والغامق وهل فيه فرق كبير بينهم؟ اعرفي الفرق ما بين النوعين في المقال ده.
الصويا صوص الفاتح
الفرق بين الصويا صوص الفاتح والغامق
درجة ملوحة الصويا صوص الفاتح بتبقى أكبر حاجة بسيطة من الصويا صوص الغامق ومش بيدي لون غامق للأكل، بيستخدم في تتبيل السلاطات والفراخ واللحوم والخضروات وممكن كمان تستخدميه في الخلطة اللي بتعملي بيها حشو السبرينج رولز وكمان النودلز بس مش هتضفي عليه لون غامق.
ازاي تفرّقي بين الكزبرة والبقدونس وباقي الخضرة بسهولة
الصويا صوص الغامق
الصوص سميك شوية وبتبقى درجة الملوحة بسيطة واللون أغمق بيستخدم أكتر عشان يدي نكهة بسيطة ولون أكتر للأكل.
وصفات بالصويا صوص
الفرق بين الصويا صوص الفاتح والغامق
الصويا صوص من أنواع الصوص اللي بتدي مذاق مختلف وبيضفي لون مختلف للأكل، بس لازم تخلي بالك وإنتي بتستخدميه لو هتستخدمي الفاتح أو الغامق إنه بيكون مالح فحاولي متزوديش الملح إلا لما تدوقي عشان الوصفة متبوظش منك بسبب الملح الزيادة ومن ضمن أشهر الوصفات اللي بتستخدمي فيها الصويا صوص:
- الفراخ سويت اند ساور
- نودلز الخضروات
- السلمون ستيك
- الجمبري بالصويا صوص
- السوشي
وهنا هتلاقي مقال هيعرفك أكتر عن المطبخ الصيني وإزاي تعملي أكل صيني في البيت زي المحترفين.
تنظيف الممبار متعب .. طريقة عمل الممبار وتنضيفه بسهولة
لو عملتي وصفة مميزة في البيت بإستخدام الصويا صوص سواء الفاتح أو الغامق شاركينا بالوصفة في التعليقات.
التعليق باستخدام حساب فيس بوك