الإفرازات المهبلية طبيعية جدًا وموجودة طول الوقت. لكن كل إفراز لونه ومعناه بيختلف. يعني الإفراز الأبيض أو الشفاف له معنى غير تمامًا الإفرازات البنية. الإفرازات الصفرا أو البنية بتظهر عادة حوالين ميعاد الدورة الشهرية. في المقال ده، هنحاول نرد على سؤال هل ممكن الصيام مع إفرازات بنية بعد الدورة الشهرية عن طريق إجابات موجودة من علماء في دار الإفتاء المصرية.
الصيام مع إفرازات بنية بعد الدورة
فيه اختلاف في الفتاوى بناءً على ميعاد الإفرازات. يعني رأي جموع الفقهاء هو إن الإفرازات دي لو نزلت يوم من أيام الدورة الشهرية اللي انتي متعودة عليها، يبقى هي حيض. بمعنى: انتي أصلًا دورتك 4 أيام، لو الإفرازات البنية نزلت في يوم من الأيام دي تبقى حيض. لو نزلت بعد الأيام دي خاصةً لو بعد يوم أو اتنين فاصل، هتكون أكيد مش حيض وبالتالي تقدري تصومي عادي. أما عن نزول إفرازات بنية قبل الدورة الشهرية، فدي برضه الفقهاء قالوا عنها إنها مش حيض. يعني لو انتي مستنية دورتك يوم 20 ونزل إفراز بني يوم 18 أو 19 وبعدين يوم 20 ابتدت الدورة، يبقى ده الإفراز ده ما كانش حيض لذلك يجب فيه الصيام.
بالفيديو: رأي علماء دار الإفتاء المصرية
معجون الأسنان والقيء وغيرهم .. هل من مفسدات الصيام؟
هل يجوز إزالة الشعر أثناء الصيام (بالطرق العادية وبالليزر)
الإفرازات المهبلية أثناء وبعد العلاقة الحميمة
مع تمنياتنا ليكي بالصوم المقبول.
التعليق باستخدام حساب فيس بوك