كتير من الحوامل بيعانوا من الضغط المرتفع خلال الحمل وفي ناس بيترفع ضغطها من أول يوم من الحمل، وناس بيبدأ يرتفع في الشهور الأخيرة أو قبل الولادة بفترة قصيرة في الشهر التاسع، في المقال ده هنقولك كل حاجة تتعلق بارتفاع ضغط الدم للحامل وعلاقته بالولادة سواء الولادة القيصرية أو الطبيعية.
-
إيه هي أنواع ضغط الدم؟
- ضغط دم مرتفع حملي يعني خاص بفترة الحمل بس، وبيستقر بعد الولادة.
- ضغط دم مزمن، وأهم علامة له إنه بيستمر لحد 12 إسبوع بعد الولادة.
-
الضغط المرتفع خلال الحمل .. ازاي تعرفيه؟
- ارتفاع نسبة ضغط الدم عند القياس.
- وجود فائض من البروتين في البول (proteinuria) بعد الإسبوع العشرين للحمل، وده بيتعرف بالتحاليل.
- صداع شديد جدًا.
- تغييرات في الرؤية تشمل فقدان البصر بشكل مؤقت، أو تشوش الرؤية، أو حساسية شديدة للضوء.
- أوجاع في البطن تتركز غالبًا في منطقة أسفل أضلاع القفص الصدري من ناحية اليمين.
- الغثيان والقيء.
- الدوار.
- كثرة التبوُّل.
- ارتفاع مفاجئ في الوزن بمعدل يزيد عادة عن كيلوجرام واحد في الإسبوع.
- انتفاخ في منطقة الوجه واليدين.
أهم الأسئلة الشائعة عن الحمل والولادة يجيب عليها الدكتور حسام الشنوفي
-
مخاطر ارتفاع ضغط الدم على الأم والجنين
- تدفّق كمية غير كافية من الدم إلى الرحم.
- أضرار في الأوعية الدموية.
- مشاكل في الجهاز المناعي.
- التغذية غير السليمة.
- نقص تدفق الدم إلى المشيمة.
- انفصال المشيمة المبكر، وده بيسبب نزيف حاد وخطر على الأم والجنين.
-
علاج ضغط الدم المرتفع للحامل
- الأدوية تحت إشراف الطبيب.
- الراحة التامة لو في بداية الحمل.
- لو في نهاية الحمل والجنين اكتمل، فالولادة هي أفضل حل.
- مفيش علاجات بديلة أثبتت نجاحها لحد دلوقتي، فلا تشربي كركديه ولا أعشاب ولا تاخدي وصفات من أي حد، لإن الحاجات دي ممكن تضرك صحيًا.
-
ضغط الدم المرتفع والولادة
دكاترة كتير بيفضلوا إن الحامل المصابة بضغط الدم المرتفع، تولد ولادة قيصرية، تجنبًا لأي مضاعفات، وخصوصًا إذا كانت الولادة قبل معادها، أو لا قدر الله بسبب مضاعفات حصلت بالفعل بسبب ارتفاع الضغط، لكن في بعض الحالات الدكاترة لو لقوا الحالة مستقرة فالحامل بتولد ولادة طبيعية، يعني القرار كله على حسب حالتك ورؤية الطبيب لها.
علشان كده متحاوليش تاخدي آراء حد غير مختص، ولا تخلي حد يخوفك أو يشكك في الطبيب بتاعك.
ازاي أختار الطبيب المناسب لمتابعة الحمل
مع تمنياتنا ليكي ولجنينك بتمام الصحة والعافية
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
التعليق باستخدام حساب فيس بوك