كنتي قاعدة في يوم جميل في النادي بعد الظهر وبعدين فجأة لقيتي ابنك بدأ يعض صاحبه؟ طفل صغير عمره سنتين بيعض صاحبه؟ قلقتي؟ طبيعي جدا، بس خلينا نتعرف سوا على Yيه أحسن طريقة عشان تتعاملي مع الموقف ده:
العض جزء طبيعي من النمو عند الأطفال، والأطفال بتعض لأسباب كتير مختلفة زي التسنين أو لأسباب نفسية زي أنه بس عايز يشوف رد الفعل إيه؟ وكتير من الأطفال في مرحلة بين سنة و3 سنين بيمروا بالوقت اللي بيعضوا فيه كل حاجة وبيتخلصوا من ده في الآخر.
أسباب تأخر التسنين عند الأطفال
لحسن الحظ، العض حاجة ممكن توقفيها وتحجميها، وفي طرق كتير ممكن تستخدميها وتوقف طفلك إنه يعض أي حاجة موجودة حواليه.
أسباب العض عند الأطفال
الأطفال بتعض لأسباب كتير ومعظمها مش ضار ولا متعمد.
- بيعضوا بسبب الألم مثلا: لما يمروا بمرحلة التسنين، العض بيكون طريقتهم عشان يخففوا ألم اللثة المنتفخة ونمو الأسنان عندهم.
- بيعضوا عشان يستكشفوا الدنيا حواليهم، الأطفال بيستخدموا الفم عندهم استخدام جوجل عندنا، بيستكشفوا بيه كل حاجة مع إيديهم، أي حاجة الأطفال بيلقطوها بتنتهي في فمهم، ومش بيقدروا أبدا يمنعوا نفسهم إنهم يعضوا الحاجة اللي لفتت نظرهم.
- عايزين يشوفوا رد الفعل: فضول الأطفال جزء من استكشافهم للعالم، بيجربوا عشان يشوفوا هيحصل إيه، ممكن يعضوا صاحبهم أو مامتهم عشان يشوفوا الدهشة والتعجب، من غير ما يركزوا أوي في موضوع الألم.
- عايزين اهتمام: الأطفال اللي سنهم أكبر بيعتبروا العض ده وسيلتهم لجذب الانتباه، ولما الطفل يحس بالتجاهل فما تتخيليش أبدا إنه هيكون منضبط، هو هيحاول يلفت الانتباه بأي شكل سلبي أو إيجابي.
- الطفل محبط: العض زي الضرب، وسيلة لبعض الأطفال عشان يعبروا عن نفسهم في وقت لسه ما قدروش يعبروا فيه بالكلام، هيعض عشان ياخد لعبته، يقولك إنه مش مبسوط، أو يبعد طفل تاني مزعج عنه.
علاج العض .. إزاي توقفي طفل عن العض؟
- لو طفلك بيعاني من التسنين، اتأكدي دايما إن في حلقة تسنين باردة في متناول ايده، خليه يتشغل بالعضاضة.
- ما تخليهوش يتدايق لدرجة إنه يعض، لبي احتياجاته للأكل والنوم واللعب.
- أول ما يبدأ يكبر شوية شجعيه إنه يستخدم كلمات” أنا زعلان منك، هات لعبتي” بدل العض، في وسائل تانية للتعبير عن الضيق والاحباط ممكم الطفل يتعلمها بدل ما يعض ويعمل حاجات تانية أسوأ.
- إدي لطفلك وقت كويس معاه، وقت كفاية لوحدكم عشان ما يعضش لجذب الانتباه، الاهتمام الإضافي هيأثر بشكل إيجابي جدا على شخصيته وعلى علاقتكم سوا ومش هيبقى في ولد زعلان جاي يقولك إن ابنك عضني يا طنط.
ابني ما عندوش أصحاب .. إزاي يبقى شخص اجتماعي؟
المصادر:
What’s your Reaction?
التعليق باستخدام حساب فيس بوك