محتويات المقال
الآباء الجداد بيتخضوا بعد الحمل والولادة. بعضهم بيحس إن شكل مراته في الحمل وبعد الولادة اتغير تغير كبير لدرجة إنه ما بقاش عارفها. بعضهم بيكون خايف إنه يقرب من مراته عشان لها علاقة بصحتها وبصحة البيبي. ونسبة منهم بيكونوا قرفانين من التغير الكبير في الشكل ده، وريحة اللبن، وكون العضو الجنسي لمراته كان هو النافذة اللي طلع منها ابنه أو بنته للعالم. أسباب قلة أو انعدام رغبة الرجالة في العلاقة الحميمة بعد الولادة كتير، وهنحاول نقول لك عليها في المقال ده.
أسباب قلة أو انعدام رغبة الرجالة في العلاقة الحميمة بعد الولادة
- نفسية
- جسدية
الأسباب النفسية
السبب النفسي الوحيد بيكون الخوف على الأم، والتوتر من احتمالية حدوث أي أذى لها. الخوف كمان ممكن يكون مش بس على صحة الأم. لكن في بعض الأحيان، عدم فهم الزوج لعملية الحمل والولادة ممكن تخليه يخاف على نفسه من العلاقة الحميمة عشان ما يكونش فيه أي حاجة ممكن تسبب له التهاب أو تعب.
الأسباب الجسدية
- أسباب لها علاقة بجسم الأم
- أسباب لها علاقة بجسم الأب
جسم الأم بيشهد تغيرات كتير من أول الحمل، وشكل البطن وزيادة الوزن وأحيانًا تورم الساقين أو القدمين، لحد الولادة وإفراز اللبن من الثدي وشكل البطن بعد نزول وزن الجنين، وعلامات التمدد. ده ممكن يخلي الزوج مش مستعد نفسيًا للعلاقة الجنسية لإنه مش حاسس إن هي دي مراته اللي اتجوزها من شهور وكانت بشكل معين. خدي بالك، مع وجود السوشال ميديا والأفلام الإباحية، نظرة الراجل لجسم الست بقى فيها تركيز كبير على شكل معين باعتباره هو الشكل المثالي. ولو جوزك من مدمني السوشال ميديا أو الأفلام الإباحية (أو الاتنين) هيكون متغير معاكي وبيتهرب من العلاقة الحميمة لكن عايزاكي تعرفي إن ده مش بسببك خالص، وإن ده له جل، وهو إنك تتناقشي معاه أو لو الحالة تخطت حدود الكلام، ممكن تتوجهوا مع بعض لاستشاري علاقات يساعدكم في حل المشكلة.
أما الأسباب المتعلقة بجسم الأب، فهي الإرهاق والتوتر. اللي كتير مننا ما يعرفهوش إن الأب بيكون مجهد برضه بسبب رعاية الطفل وبسبب عدم تعوده على نمط الحياة الجديد.
التعليق باستخدام حساب فيس بوك