محتويات المقال
واحدة من أكبر مساويء الغربة هي البعد والتعود عليه. خلاص احنا اتعودنا على شكل الحياة من غير شريك حياتنا، وللأسف، لما رجع، مش حاسة بنفس الحماسة بتاعة لما كان معايا. أو العكس، لما رجع، لقيت نفسي متحمسة وهو مرهق وتعبان. في كل الأحوال، التعامل مع العلاقة الحميمة بعد السفر بيحتاج حساسية معينة وتحضيرات لاستقبال الزوج من السفر. تعالي نشوف العلاقة الحميمة بعد غياب نعمل فيها إيه عشان تكون ناجحة.
استقبال الزوج بعد السفر
دلوقتي الراجل بقاله شهور أو سنة أو يمكن سنين غايب. الزوج عادة هيكون حابب إنه يشوف انتي قد إيه مفتقداه وقد إيه هو واحشك. فبلاش تقابليه بشكاوى أو حكايات عن الولاد وعن عيلته أو عيلتك. هو مش جاي دلوقتي عشان يسمع ده، هو جاي سواء أجازة أو راجع نهائي، عشان يقعد معاكي من غير مشاكل وبكل حب وود.
حلاوة القرب بعد البعد
عارفة أغنية باستناك بتاعة نجاة؟ اسمعيها كده، وحسيها! هو ده اللي انتي محتاجاه، تتذوقي وتوري له حلاوة القرب بعد البعد. اعتبري إنك بتتجوزيه من الأول. انتي عروسته الليلة! شوفي وانتي عروسة في ليلة الدخلة عملتي إيه؟ ميكاب، شعرك، برفان يجنن، لانجيري جميل. الوقت ده كمان أفضل من إنكم تكونوا لسه متجوزين، ليه؟ عشان انتي كمان عرفتي خلاص هو بيحب إيه وما بيحبش إيه. عرفتي الألوان المفضلة والروايح المحببة له، وتقدري تحضري نفسك بالطريقة اللي يحبها أكتر.
تجربتي: جوزي مسافر .. ازاي نحافظ على علاقتنا
قائمة تحضير استقبال الزوج بعد السفر
- إزالة الشعر الزائد
- زيارة للكوافير عشان تعملي شعرك وماسكات لوشك
- برفان سكسي. اعرفي أجمد 10 برفانات نسائية ريحتهم جذابة وهتبسطك
- لانجيري
- أكل تفرزنيه عشان ما تقضيش وقت طويل في المطبخ
- شموع وديكورات لطيفة
مشاكل جنسية ممكن تحصل في أول لقاء
- سرعة القذف
- تأخر القذف
- عدم وصول الزوجة للأورجازم/ النشوة الجنسية
سرعة القذف وتأخر القذف
الحقيقة المشكلتين بيكونوا بنفس السبب. لما بيكون فيه بعد عن العلاقة الحميمة فترة طويلة، أول مرة بعد الرجوع بتكون يا إما فيها حماسة زايدة وبالتالي سرعة قذف، يا إما بسبب البعد وعدم التعود بيكون فيه صعوبة في وصول الزوج للأورجازم وبالتالي تأخر القذف. في كل الأحوال، محتاجين تاخدوا وقتكم وتعرفوا إن مش من أول مرة الدنيا هترجع زي ما كانت بالظبط. اتكلموا وتواصلوا وقضوا وقت حميمي من غير جنس (أحضان – قضوا وقت طويل في السرير بس حاضنين بعض). ممكن كمان تتفرجوا على أفلام مع بعض أو تعملوا أنشطة مشتركة.
عدم وصول الزوجة لأورجازم
بعد فترة البعد، غالبًا هيكون الزوج نسي مفاتيح الزوجة أو مناطق إثارة المرأة بالظبط. وكمان الست بحكم عدم ممارسة العلاقة الحميمة للمدة دي، ممكن تاخد وقت أطول كتير عشان توصل للأورجازم، خصوصًا لو اعتادت في غياب الزوج على العادة الجنسية (السرية). الحل برضه هو التواصل والصبر.
التعليق باستخدام حساب فيس بوك