محتويات المقال
العلاقة الجنسية من أهم عوامل نجاح أي علاقة زوجية، واللي بنجاحها ممكن العلاقة تكون ناجحة إلى حد كبير. وطبعًا العكس، في حالة لو أن العلاقة الحميمة غير ناجحة، هتكون علاقتك كلها متوترة. طب إزاي تعرفي لو العلاقة الحميمة ناجحة ولا لا؟ في المقال ده، هنقول لك علامات تفهمي منها إن العلاقة الجنسية مع جوزك ممكن تكون غير ناجحة، وإزاي تقدري تعملي تجديد في العلاقة الحميمة.
كل حاجة كويسة ما عدا العلاقة الحميمة
لو العلاقة الحميمة كل حاجة فيها تمام ومظبوطة وسعيدة بس انتي خايفة تتكلمي في إن العلاقة الحميمة مش مشبعة ومش بتوصلي للنشوة الجنسية وتعملي منها موضوع. والحل للمشكلة دي بالذات هو اللي انتي خايفة منه: الكلام. أساس حل أي مشكلة في علاقتك بجوزك هو الكلام. اتكلمي عن اللي مضايقك وسيبي له فرصة هو كمان يقول ده وحاولوا تلاقوا حلول. لو انتي محرجة جدًا من الكلام في الموضوع ده، ممكن ببساطة تقترحي عليه إنكم تجربوا أوضاع جنسية جديدة أو تعملوا حاجة جديدة تضمن انبساطكم وراحتكم.
نفسك في حاجة في علاقتك الجنسية بس مش عارفة تقولي ده
لا لا، مش الزوج، مش عارفة تقولي ده لنفسك. يعني دي أشبه بالعلامة الأولى جدًا لكن المرة دي إنك أصلًا مش عايزة تعترفي لنفسك إنك مش سعيدة في الجانب ده في العلاقة أو مش حاسة بالمتعة الجنسية أو إنك حابة حاجات أكتر في العلاقة الجنسية ومش قادرة تصارحي نفسك حتى بده.
“ممارسة الجنس أصلا مش مهم”
المرحلة دي بتوصلي لها بعد ما بتكوني وصلتي المرحلتين اللي فاتوا وما اتكلمتيش مع جوزك في الأمور اللي مضايقاكي. هنا بتكون المشكلة تطورت لأنك مش بس مش عايزة تتكلمي، انتي خلاص فقدتي الأمل في إنك تكوني مبسوطة أو مرتاحة في العلاقة الحميمة فقررتي إن الانبساط أصلًا مش أولوية.
البورن حل محل العلاقة الجنسية
لو جوزك أدمن مشاهدة الأفلام الجنسية (البورن) واستعاض عنها بالعلاقة الحميمة، هنا بيكون تحذير كبير إن العلاقة الحميمة ممكن تسبب مشكلة كبيرة جدًا للعلاقة ككل.
يوم الخميس بالليل
يوم الخميس مشهور جدًا في ثقافتنا إنه يوم العلاقة الحميمة لإنكم صابحين أجازة والولاد بيناموا بدري كده كده، ففيه فرصة إنكم تمارسوا العلاقة الحميمة فيه براحتكم. ده جميل، لكن لو الموضوع اقتصر بس على اليوم ده، وبطلتوا تحبوا تمارسوا العلاقة الحميمة في أيامكم العادية، فده معناه إن لهفتكم وشوقكم بردوا واتغيروا. بننصحكم بتجديد العلاقة الزوجية وتجربة مواعيد جديدة وإنكم ما تعملوش الموضوع ده بجدول عشان ما يبقاش سخيف وممل. ممكن تشوفي هنا فوائد ممارسة الجنس.
مصدر ساعدنا على كتابة المقال
Bustle
1 comment
السلام عليكم؛ أريد النصيحة من فضلكم عن كيفية التعامل مع زوجي البارد جدا يعني هو لا يبادر أبدا لممارسة العلاقة الحميمية وهذا المشكل بدأ من الأشهر الأولى لزواجنا عندما كنت حامل بابني الأول واليوم عندي 7 سنوات زواج لا اذكر ولا يوم بادرني زوجي بالعلاقة أو طلبها مني فقد وصلت أقصى مدة لانقطاعنا عن الممارسة عامين ونصف والان أنا مدمرة عاطفيا ولدي نقص كبير جدا من هذه الناحية؛ جربت كل الطرق معه فلم اصل الى نتيجة؛ لا أدري ماذا أفعل انصحوني من فضلكم لقد صار تفكيري منحصرا على هذا الموضوع فقط..