محتويات المقال
فصل الشتاء هو الفصل الوردي للبشرة الدهنية، لكن مع كده لازم يكون في روتين يومي للعناية بالبشرة، علشان تفضل متألقة ونضرة طول الوقت. وفي المقال ده، هنقول لك على دليل العناية بـ البشرة الدهنية في الشتاء.
أفضل 8 زيوت لترطيب البشرة في الشتاء
-
روتين غسيل الوجه
لازم البشرة تتغسل يوميًا من 3-4 مرات يوميًا، بمياه فاترة وغسول مناسب لبشرتك، أو صابون بمكونات طبيعية.
-
تجفيف الوجه بعد الغسيل
بعد غسيل الوجه، مرري عليه قطعة تلج لقفل المسام، أو قطنة مغموسة في ماء الورد، وبعدين جففيه بفوطة ناعمة جدًا، وبلطف بطريقة الطبطبة، بدون ما تؤذي وشك بفرك الفوطة.
-
الترطيب
ناس كتير بتفكر إن مادام البشرة دهنية، تبقى مش محتاجة ترطيب، ودي فكرة مش صحيحة، لإن البشرة الدهنية زي كل أنواع البشرة محتاجة روتين ترطيب، بس بكريم مناسب لبشرتك لإن لو استخدمتي كريم غني قوي بالزيوت، ممكن يعمل لك مشاكل زي حب الشباب، والرؤوس السوداء، وده الترطيب اليومي على الأقل بعد كل غسيل للوجه، وتقدري برضه تدخلي ماسكات الترطيب الجاهزة مرة في الإسبوع، هتديكي نتيجة ممتازة لبشرتك، وممكن تستبدليها ببعض الزيوت الطبيعية المخصصة للبشرة، زي زيت اللوز الحلو، أو زيت الخروع وغيرها من الزيوت الطبيعية المفيدة، بس المهم تجيبيها من مكان موثوق ومضمون.
-
كريم واقي من الشمس (صن بلوك)
البشرة الدهنية هتحتاج واقي شمس مش كريمي، المناسب لها هيكون سائل أو جل، وده مهم جدًا لوقاية البشرة من أشعة الشمس الضارة، واللي ممكن تسبب بقع وتصبغات. أجمد 10 أنواع صن بلوك للأطفال بالأسعار
-
منتجات تجميل خفيفة
لو بتستخدمي المكياج باستمرار، فاختاري أنواع خفيفة على بشرتك، وتكون قاعدتها مش زيتية، علشان ما يحصلش خلل في إفراز الدهون والزيوت في بشرتك.
5 نصائح لوضع المكياج في الشتاء
-
التقشير (السكراب)
خطوة التقشير مهمة جدًا للبشرة الدهنية، والمعدل الكويس لها إنها تتعمل مرة كل إسبوع أو إسبوعين، وتقدري تستخدمي المقشرات الجاهزة، أو تعملي مقشر طبيعي في البيت من خامات متاحة عندك.
اعملي سكراب للجسم في البيت بكل سهولة
التعليق باستخدام حساب فيس بوك