محتويات المقال
أمهات كتير ساعة الولادة بتضطر إنها تخضع لـولادة قيصرية بأمر طبيب النساء سواءً لأسباب صحية أو أسباب طارئة حفاظًا على صحة الأم والمولود. بعد الولادة القيصرية، الاهتمام بالجرح في الفترة الأولى بعد العملية مهم جدًا عشان تسرعي من فترة الالتئام. في الموضوع ده، هنديكي نصايح للعناية بالجرح القيصري بعد الولادة، وهنقول لك على أفضل الكريمات اللي ممكن تستخدميها للتقليل من شكل الجرح.
العناية بجرح الولادة القيصرية
- بعد الولادة مباشرة، وقبل الخروج من المستشفى، طبيب النساء بيقوم بالفعل بالكشف على الجرح، عشان يطمن على عدم وجود عدوى لا قدر الله.
- عادةً بيحتاج الجرح من 4 لـ 6 أسابيع عشان يلتئم وتقدري إنك تستخدمي كريم للجرح.
- تجنبي المجهود الزائد أو حمل الأوزان التقيلة عشان ما تحمليش على الجرح، ومارسي الرياضة بعد التعافي من الجرح ولحد ما الدكتور يسمح لك.
- احرصي على الحركة الخفيفة، وخصوصًا المشي، عشان المشي بيساعد على التئام الجرح بشكل أسرع.
- المسكنات اللي الدكتور بيسمح لك بيها ممكن تخفف من الوجع، عشان كده ما تنسيش تاخديها.
- حافظي على مكان الجرح جاف لحد ما يسمح لك دكتور النسا بالاستحمام بشكل طبيعي.
- بعد ما يسمح لك الدكتور بالاستحمام بشكل طبيعي، استخدمي المياه الدافية في الدش وصابون ما يسببش ليكي بحساسية بس تجنبي الدعك أو الضغط جامد على الجرح.
- ما تهمليش المتابعة مع دكتور النسا للكشف على مكان الجرح بعد الولادة.
- تجنبي الملابس الضيقة ويفضل إنك تلبسي قمصان النوم الفضفاضة المصنوعة من القطن.
- لو لاحظتي أي علامات تمنعك من ممارسة نشاطك الطبيعي زي: ارتفاع درجة حرارتك، ألم شديد مكان الجرح، خروج الافرازات مكان الجرح لازم ترجعي لدكتورك فورًا.
اعرفي إزاي تستعدي للولادة القيصرية من هنا
أفضل الكريمات لجرح القيصري
ممكن تستخدمي الكريمات دي بشكل دوري على مكان الجرح بعد فترة الالتئام للتخفيف من آثاره، بس قبل ما تستخدمي الكريم يفضل إنك تستشيري دكتور النسا الخاص بيكي عن أنسب نوع ومدة الاستخدام.
Spectra Gel
السعر: حوالي 900 جنيه
كام عملية قيصرية يتحملها الرحم؟ إجابة السؤال ده من هنا
Contractubex
السعر: حوالي 20 جنيه
Scaro
السعر: حوالي 350 جنيه
4 حالات تستدعي الولادة القيصرية
المصدر:
mayoclinic
التعليق باستخدام حساب فيس بوك