من أهم عوامل الشفاء من سرطان الثدي وأول خطوة في العلاج هي اكتشافه بدري. وعشان الست تكتشف سرطان الثدي لازم تكون بتعمل الفحص الذاتي لسرطان الثدي باستمرار. ده هيساعدها إنها تعرف شكل وتكوين الثدي من البداية عشان تعرف أي تغير في شكل أو ملمس أو تكوين الثدي. الفحص الذاتي سهل جدًا والفيديو والصور دي هيوروكي ازاي تعمليه.
الفحص الذاتي لسرطان الثدي بالصور
الفحص الذاتي للسرطان بالصور
خطوات الفحص الذاتي لـ سرطان الثدي في المنزل
- افردي دراعاتك جنبك ودوري على أي تغير في شكل أو لون الحلمة أو الثدي.
- حطي إيديكي على وسطك واتحركي لورا وقدام وشوفي لو فيه أي تغير.
- أقفي وإيد من الاتنين ورا راسك وبالإيد التانية افحصي الثدي كله بداية من تحت الإبط. في الخطوات 3 و4 و5، هتكوني بتدوري على أي تكتل.
- جمعي أنامل الأصابع واطلعي وانزلي على الثدي من بره لجوه. واعملي حركات دائرية حول الحلمة بضغط.
- نامي وتحت ضهرك مخدة، واعملي كل الحركات في رقم 4.
- حطي الإبهام والسبابة على الحلمة واضغطي وشوفي لو فيه أي سائل بيخرج.
تقدري تابعي كل فيديوهاتنا على قناة راحة بالي على اليوتيوب
اما بالنسبة لأسباب سرطان الثدي، ففي عادات سئية في حاينا ممكن تسبب الإصابة بسرطان الثدي، ومكنن نكون احنا مش عارفينها، شوفيها بالتفصيل هنا
What’s your Reaction?
التعليق باستخدام حساب فيس بوك