مع الوقت الطويل اللي بنقضيه في البيت بعد حظر التجول، بنكون محتاجين نتفرج على حاجات ترفيهية بس وقتها مش طويل وبردو ما تبعدناش عن أحداث فيروس كورونا والواقع اللي عايشينه.
ومن أنسب الحاجات اللي بتتجمع فيها الشروط دي كلها الفيديوهات اللي بيعملها الفنان أحمد أمين، واللي بتتميز بخفة الدم والواقعية في نفس الوقت.
أحمد أمين، فنان كوميدي اشتهر بفيديوهات مدتها 30 ثانية على الفيسبوك بيتكلم فيها عن فكرة واحدة، وبعدها اتطورت أعماله لبرنامج البلاتوه ومسلسل الوصية وأمين وشركاه بأكتر من جزء وأعمال تانية كوميدية كان لها جمهور كبير.
بعد انتشار مرض الكورونا وقرار العزل الذاتي، رجع أحمد أمين يعملنا فيديوهات 30 ثانية تاني، وكان عنوان الفيديو: إزاي تسيطر على ولادك في 30 ثانية، واللي بيتكلم فيه عن تواجد الأسرة كلها في البيت مع بعض طول اليوم على عكس الأيام العادية، وإزاي الواحد يتصرف أدام أولاده ويرد على طلباتهم،وبردو شوية نصايح للتعامل مع المدام في الفترة دي.
وتقدروا تتفرجوا على الفيديو هنا:
مفيش شك إن الفيديوهات اللي من النوعية دي بتهون علينا كتير وبتحسسنا إننا مش لوحدنا في العزل الذاتي وحظر التجول، بنتمنى إن أحمد أمين يكمل سلسلة حياتنا مع الكورونا 😊
التعليق باستخدام حساب فيس بوك