محتويات المقال
الأطفال الرضع أكثر قابلية للتقيؤ للأسف، وده نتيجة لصغر المعدة عندهم وضعف عضلة المريء، وعادة بيكون القيء حاجة عارضة وغير مستمرة، ولأن الأمهات بتقلق جدا من حاجة زي دي فإحنا النهاردة هنعرفك أكتر على إيه اللي ممكن يسبب القيء عند الأطفال الرضع وإمتى تقلق الأم على صحة طفلها وازاي تتصرف وإمتى تروح للدكتور:
أسباب القيء عند الرضع:
- ارتجاع المريء: هو السبب الرئيسي لتقيؤ الرضع وبيكون بكميات صغيرة من وقت للتاني، وده أمر طبيعي لطفل في أول سنة من حياته، وده بيحصل لأن الصمام العضلي الموجود في نهاية المريء بيكون لسه في مرحلة النمو، وبتزيد فرصة الإصابة بارتجاع المريء لما يكون بطن الطفل مليان.
- عدوى المعدة: ممكن يكون التقيؤ بسبب إصابة الطفل بالتهاب أو عدوى في المعدة، ففي السنوات الأولى من عمر الطفل، بيكون الجهاز المناعي في مرحلة النمو والتطور، وممكن يلقط كتيرمن الأمراض بسهولة.
وفي حالة وجود عدوى والتهاب في المعدة والأمعاء، ممكن لاقدر الله يصاب الطفل بالإسهال والقيء.
- في التهابات تانية ممكن تصيب الطفل الرضيع زي التهاب المسالك البولية والتهابات الأذن، واللي ممكن تأدي لحدوث القيء.
- حساسية الحليب: إذا كان الطفل بيصاب بالتقيؤ بمجرد تناول الحليب، فده معناه إن معدته بتتحسس منه، وبيحصل غالبا للأطفال اللي بيرضعوا صناعي لأن ممكن يكون الطفل عنده حساسية تجاه حاجة في تركيبة الحليب، وساعتها الأم هتكون محتاجة تغير نوعية الحليب المستخدم تحت إشراف الدكتور المختص.
- ممكن يكون الطفل بيعاني من عدم تحمل اللاكتوز، أو جهازه المناعي بيتحسس من بروتينات الحليب، وفي الحالة دي لازم اللجوء للدكتور اللي هيعرف مسببات الحساسية عند الطفل وبالتالي يعرف إيه اللي بيهيج المعدة وبيؤدي للقيء.
- الإصابة بنزلة برد: أمراض الجهاز التنفسي من الأسباب الشائعة لتقيؤ الطفل، فلما الطفل يصاب بنزلة برد أو سعال شديد ومتكرر، هيعاني من التقيؤ خلال فترة المرض، وبتزيد إحتمالية إصابة الطفل بأمراض الجهاز التنفسي الشائعة خلال فترة الرضاعة لأن جهازه المناعي ما بيكونش مكتمل لسه.
أجمد 10 أنواع ببرونات أطفال في مصر
طرق وقاية الطفل من التقيؤ:
- اختيار النظام الغذائي المناسب ليه: مش لازم الأم تستعجل في إدخال الأطعمة الصلبة للطفل، لأن لكل مرحلة أكلها المناسب، والأفضل إنها تستشير طبيب تغذية عشان تتعرف على الأطعمة المثالية لكل مرحلة.
- استلقاء الطفل بعد الرضاعة: يفضل إن الأم تضع طفلها في وضعية إستلقاء بعد الرضاعة لمدة 20 إلى 30 دقيقة، بحيث إن الحليب يتدفق بعيد عن فتحة المريء.
- تهدئة الطفل في حالة البكاء: بكاء الطفل المستمر هيزيد من احتمالية إصابته بالتقيؤ، وعشان كده لازم الأم تاخد بالها من أسباب بكاءه وتعرف ازاي تهديه.
أفضل طرق تجفيف لبن الثدي وقت الفطام
ازاي نتعامل مع تقيؤ الطفل؟
في حالة إصابة الطفل بالتقيؤ، لازم نحرص على حاجات مهمة زي:
- الحفاظ على ترطيب جسم الطفل:
لما يتقيأ الطفل باستمرار، فهو بيفقد السوائل الهامة بالجسم، ومن الضروري إنها تتعوض علشان ما يصابش بالجفاف، ومهم نستشير الطبيب عن طريقة ترطيب جسم الطفل سواء بالسوائل أو المياه.
- التوقف عن مسببات التقيؤ:
لو الأم لاحظت إن طفلها بيتقيأ بعد كل مرة بيرضع فيها فده معناه إنه بيتحسس من مركب من مركبات الحليب ولازم نوقف استخدامه ونشوف بديل تاني.
ممكن هنا تشوفي طرق تكثيف شعر الأطفال الرضع
- مساعدة الطفل على النوم:
وضعية نوم الطفل هتساعد في تهدئته وتخفف حاجته للتقيؤ، لأن وضعية النوم بتسهل تفريغ المعدة للأمعاء، وبالتالي الألم هيخف وهيقف التقيؤ.
مع تمنياتنا لجميع الأطفال في العالم بدوام الصحة والعافية.
أهم 5 نصائح للآباء خلال فترة الرضاعة الطبيعية
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
التعليق باستخدام حساب فيس بوك