التعليم في الصغر كالنقش على الحجر، المثل ده حقيقي جدًا، وفي الغالب إحنا الأمهات اللي بنمسك القصص ونقعد نقرأ للبيبي منها، أو نفرجه بنفسنا على الصور اللي فيها، ونبعده عنه بعد ما يخلص علشان ما يقطعش الكتاب أو يعور نفسه بيه، بس لو عندك بيبي في الشهور الأولى، يبقى لازم تجربي الكتاب التفاعلي للبيبي، ده كتاب تقدري تخليه يمسك بنفسه ويتصفحه، ويكون مشدود له كمان، هنقولك إيه هو الكتاب التفاعلي ده وإيه مواصفاته وأماكن شرائه.
-
إيه هو الكتاب التفاعلي للبيبي؟
يعني كتاب آمن على البيبي إنه يمسكه ويقلب فيه ويحاول يقرأ ويكتشف براحته، وبينمي عنده مهارات جديدة، وبيساعده على اكتشاف الألوان والأشكال، ده غير استمتاعه بحاسة اللمس.
-
إزاي أوفر في الكتاب التفاعلي كل العوامل دي؟
- لازم الكتاب يكون قماش، ومن خامات طبيعية مش صناعية ممكن تسبب للبيبي أي حساسية.
- لازم عنصر الألوان واختلافها يكون واضح جدًا، لإن ده عامل جذب بصري رهيب للبيبي.
- المعلومات اللي تكون في الكتاب تكون حقيقية ومفيدة، فمثلا ما ينفعش يكون في الكتاب تفاحة زرقا، أو فراولة دهبي.
- طريقة صناعة الكتاب تكون آمنة على الطفل، يعني مفيش فيه زوايا حادة، ولا حاجات ممكن لا قدر الله إنه يبلعها زي الزراير والسوست والقطع الصغيرة.
هنا ممكن تشوفي مقابلة مع وئام أحمد مؤسسة دار عالية لكتب الأطفال
-
أماكن لشراء الكتاب التفاعلي للبيبي
هتلاقيها متوفرة في مكتبات كتير، بس دوري في قسم البيبي، أو اطلبيها أونلاين من هنا:
أمازون
الكتاب التفاعلي للبيبي من أمازون
أيكيا
الكتاب التفاعلي للبيبي من أيكيا
أو تقدري تعمليها بنفسك في البيت، بعد ما تشتري الخامات المطلوبة، وفي فيديوهات كتير متوفة على اليوتيوب للغرض ده، تحت اسم طريقة عمل كتاب تفاعلي للأطفال، وتقدري تختاري منها الحاجات اللي تناسبك، وتشيلي منها الحاجات غير المناسبة لعمر طفلك.
-
الكتاب التفاعلي الأبيض والأسود للبيبي
كتب تفاعلي أبيض وأسود للبيبي
ونوعية الكتب دي، اللي بتكون من اللونين الأبيض والأسود بس، بتكون مناسبة جدًا للرضيع في الشهور الأولى، لإن البصر عنده بيميز أكتر حاجة اللونين الأبيض والأسود، ومهم جدًا في الكتب دي إن الرسومات تكون واضحة جدًا فيها علشان توصل للبيبي بطريقة واضحة وصحيحة، وهتفضل موجودة في إدراكه.
أهم المعلومات عن عسر القراءة عند الأطفال: الديسلكسيا
التعليق باستخدام حساب فيس بوك