طبعًا كلنا مع فتح الحظر ومع قرارات التعايش مع فيروس كورونا وقعنا في مشكلة وهي إزاي نحمي نفسنا وأطفالنا في الشارع في ظل استمرار الجائحة. ومع قرار فتح الحضانات ومع اضطرار كتير مننا للنزول للشغل، وعدم وجود فرصة للتزاور مع أهلنا، بقى ما عندناش حل غير التفكير في طرق حماية ولادنا. بعض الأمهات بتستخدم مع أطفالها الكمامات الطبية وبعضهم بتستخدم الكمامات القماش اللي بنشوفها في كل جروبات التسوق على فيسبوك.
ممكن تقري هنا عن حياتك مع الأولاد في زمن الكورونا.
لكن بناء على أبحاث مركز مكافحة الأمراض والسيطرة عليها CDC، الكمامات أو أي أغطية قماشية على وش الطفل لا ينصح بيها للأطفال أقل من سنتين وممكن تسبب الاختناق. وده بينطبق كمان على الحامي البلاستيكي face shield بالذات في حالة الرضع.
هنا هتلاقي كل المقالات اللي هتفيدك في حياة طفلك في عمر السنتين
أسباب خطورة الكمامة والماسك على الرضع
- مجرى الهوا عند الأطفال أصغر منها عند البالغين وده بيصعّب التنفس من خلال الكمامة.
- لو الرضيع عنده مشكلة في التنفس، مش هيقدر يشيل الكمامة من على وشه.
- الأطفال الأكبر غالبًا هيتضايقوا من وجود الكمامة وهيحاولوا يشيلوها وهيلمسوا وشهم أكتر.
لو عايزة تعرفي أي حاجة عن طرق التربية الإيجابية، اضغطي هنا.
إزاي أحمي رضيعي؟
حتى لو انتي قاعدة في البيت ومش بتتحركي ومش بتنزلي تنخرطي مع الناس ولا بتنزلي الشغل، بيبقى صعب برضه إنك ما تسيبيش البيت حتى لو فيه تطعيم لطفلك أو زيارة لازمة لدكتور الأطفال أو دكتورك انتي، ولازم تاخدي البيبي معاكي.
عشان كده، فيه شوية نصايح تتبعيها هتحد احتمالية العدوى لطفلك.
- غطي عربية الأطفال بتاعته stroller بغطا يمكنه من التنفس.
- حافظي على قاعدة التباعد الاجتماعي اللي بتنص على مسافة متر ونص بين الشخص والتاني.
- خلي إيدين ابنك دايمًا نضيفة بالغسيل المستمر.
- اشغليه بلعبة عشان تتجنبي لمسه لوشه.
لو عايزة تعرفي تشتري كمامات قماش منين، وإزاي تعمليهم بنفسك، دوسي هنا.
To read the Article in English, please click on this link.
التعليق باستخدام حساب فيس بوك