محتويات المقال
اللبن الصناعي واحد من أهم الحلول في بعض المواقف اللي بتكون فيها الرضاعة الطبيعية مستحيلة، لكن الشعور بالذنب غالبا بيلازم أمهات الرضاعة الصناعية تجاه صحة البيبي حتى لو كان تكميلي وبتبدأ الأسئلة عن أضرار اللبن الصناعي مع لبن الأم، وهل مستحب إن الطفل ياخد الحليب الصناعي مع حليب الأم، وهل الضرر بيقل لو تم تخفيف الحليب الصناعي للرضع، الحقيقة كل ده مش مهم لكن الأهم هو المعلومة اللي لفتت بتشغل أمهات كتير عن علاقة اللبن الصناعي بزيادة وزن الرضيع، هل فعلا بيزود وزن الطفل زيادة طبيعية ولا الموضوع بيزيد عن الحد وبيدخل الطفل بعدين في سمنة هو في غنى عنها؟
مشكلة اللبن الصناعي
بحسب موقع مايو كلينك، أكبر مشكلة في لبن الأطفال الصناعي إن تركيبته مش بتحتوي على أي عناصر معززة للمناعة زي الموجودة في حليب الثدي واللي مش ممكن البيبي يحصل عليها إلا من جسم أمه، و بالنسبة إلى أغلب الرضع، بيكون حليب الثدي أسهل في الهضم من الحليب الصناعي، مع ذلك مانقدرش نقلل من أهمية اللبن الصناعي –إذا وجه الطبيب بذلك- في إنه دعم صحة الأطفال الأصحاء اللي عندهم احتياجات غذائية قياسية، كمان بعض الأطفال بيكون عندهم احتياجات صحية وبدنية خاصة بيحتاجوا أنواع معينة من الألبان زي أطفال حساسية الألبان مثلًا.
أفكار تعمليها بعلب اللبن الصناعي بدل ما ترميها
هل اللبن الصناعي بيتخن؟
في دراسة اتعملت على النقطة دي بالذات عشان تلاقي كلمة نهائية في العلاقة بين زيادة وزن الرضيع واللبن الصناعي، تم خلالها تقييم العلاقة بين تغذية الرضع في وقت مبكر بأحجام كبيرة من الحليب الصناعي ونموهم بشكل في خطر من زيادة الوزن، الدراسة دي تمت على 1093 رضيع، وأظهرت النتائج إن إطعام كميات أكبر من الحليب الصناعي في مرحلة الطفولة المبكرة مرتبط بزيادة وزن الجسم عموما في مرحلة الطفولة المتأخرة.
جامعة هارفاد لفتت للنقطة دي برضو وقالت بشكل نهائي في مقال عبر موقعها إن الدراسات أظهرت ارتباط واضح بين الإصابة اللاحقة بالسمنة وبين اللبن الصناعي، وده لان الرضاعة الطبيعية بتمنح الطفل مجموعة من البكتيريا النافعة في القنوات الهضمية بتساعدهم على الوقاية من السمنة، يعني من الآخر، أيوة الرضاعة الصناعية ممكن تكون سبب من أسباب الإصابة بالسمنة عند الأطفال.
موانع الرضاعة الطبيعية .. إمتى لازم تلجأي للبن الصناعي
نصائح أساسية خلال عملية الرضاعة
منظمة الصحة العالمية بتوصي بالرضاعة الطبيعية والحفاظ عليها مهما كانت صعبة، وبتأكد إن الرضاعة الطبيعية و التغذية المثالية أثناء الفترة الأولى من حياة الطفل بتكون سبب في خفض معدلات المرض والوفاة، والحدّ من مخاطر الإصابة بالأمراض المزمنة، وتحسين نماء الطفل عموماً، وبتوصي مع اليونيسيف بمجموعة نقط للالتزام بيهم:
- التبكير في توفير الرضاعة الطبيعية في غضون الساعة الأولى بعد الميلاد.
- الاقتصار على الرضاعة الطبيعية طول الشهور الستة الأولى من عمر الطفل.
- الأكل بداية من الشهر السادس مع إعطاء الطفل أغذية تكميلية مأمونة ومناسبة من الناحية التغذوية، مع الاستمرار في إرضاعه حتى بلوغه عامين من العمر أو أكثر.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
health.harvard.
mayoclinic
nutrition
who
التعليق باستخدام حساب فيس بوك