لو كنتي بعيدة عن عالم الموضة والجمال وصيحات المكياج في الكام سنة الأخيرة، ففاتك ظهور الـ بي بي كريم والـ سي سي كريم .. بل والـ دي دي كريم! الحروف زادت خالص في عالم المكياج. تعالي بقى النهارده نكتشف إيه هو بي بي كريم bb cream واستخدامه ازاي وفوائده إيه وأفضل أنواعه في السوق المصري بالأسعار.
إيه هو بي بي كريم؟
بي بي كريم هو منتج من مستحضرات التجميل بيجمع بين منتجات العناية بالبشرة ومنتجات التجميل (الميكب/المكياج). فبدل ما تستخدمي: كريم مرطب للبشرة، وصن بلوك، وفاونديشن (كريم أساس)، هتستخدمي بس الـ bb كريم. وبكده، مش بس هتوفري فلوس، انتي كمان هتوفري طبقات زيادة بتحطيها على البشرة.
كيفية استخدام bb كريم
بما إنه مرطب في حد ذاته، فأنتي مش هتحتاجي أكتر من إنك تكوني غاسلة وشك كويس قبله. غسلتي وشك؟ تعالي بقى نحط الكريم على البشرة.
- على ضهر إيدك الشمال (اليمين لو شولة)، حطي كمية قد اللوزة من الكريم.
- بأطراف أصابع الإيد التانية خدي من الكريم وحطي على البشرة بالتساوي.
- لو القوام تقيل، استخدمي فرشاة كريم الأساس. (لو ما تعرفيش هي أنهي فرشة، شوفي أنواع واستخدامات فرش المكياج)
- بلّي اسفنجة البلند بسيط واعصريها وبعدين ساوي الكريم على بشرتك.
- لو عندك هالات سودا، استخدمي كونسيلر.
فوائد بي بي كريم
- مبدئيًا كده، هو أقل ضررًا كتير من الفاونديشن لإنه مش بس أخف على البشرة وما بيخنقهاش زي كريم الأساس، إنما كمان هو فيه مرطب وواقي من الشمس يعني يعتبر تغذية للبشرة وعناية بيها.
- لو بشرتك دهنية، فالكريم الساحر ده هو المنقذ بالنسبة لك.
- فيه مضادات أكسدة يعني نضارة ومفيش حبوب.
- في الصيف، مش هيسيح زي المكياج العادي. 7 نصائح لتثبيت مكياج الصيف من غير ما يسيح
- خفيف على البشرة.
أنواع بي بي كريم بالأسعار
- جارنييه
- بورجوا
- جولدن روز
- أفون
- ديبورا
- فارم ستاي
- فلورمار
- أوريفليم
- إيفا
جارنييه
سعره 219 جنيه.
بورجوا
سعره 225 جنيه.
جولدن روز
سعره 175 جنيه.
أفون
سعره 74 جنيه.
فلورمار
سعره 130 جنيه.
ديبورا
سعره 230 جنيه
فارم ستاي
سعره 220 جنيه.
أماندا
سعره 85 جنيه.
أوريفليم
سعره 169 جنيه.
إيفا
سعره 120 جنيه
بنفكرك إن الأسعار ممكن تختلف من وقت كتابة المقال وبين وقت شرائك للمنتج، ففيه هامش زيادة أو نقصان حسب أوقات التخفيضات وأوقات الشراء العادية.
التعليق باستخدام حساب فيس بوك