من أول لما عرفنا إن في حاجة اسمها علاقة جنسية، وإحنا بنسمع معلومات مش دقيقة عنها أو عن الحاجات المتعلقة بيها، زي مدة العلاقة الحميمة أو أفضل مدة للجماع، واللي مرات سمعنا إنها ممكن تمتد لساعات طويلة في الليل، وبتبدأ المشكلة تظهر لما بنكتشف إن الواقع ملوش أي علاقة بالمعلومات اللي سمعناها عن المدة الطبيعية للعلاقة الجنسية بين الزوجين، علشان كده إحنا هنقولك على الكلام العلمي الصحيح عن مدة العلاقة الجنسية:
-
ليه بيحصل اختلاف على مدة العلاقة الجنسية؟
لإن في ناس بتحسب الوقت اللي بتستغرقه ممارسة الحب، من أول المقدمات والكلام الرومانسي، لحد آخر دقيقة ما بعد العلاقة الحميمة، وفي ناس بتحسب وقت العملية الجنسية نفسها، علشان كده في ناس بتقول إنها بتستغرق ساعات وناس بتقول إنها بتستغرق دقايق أو ثواني.
-
إيه هو المقصود بمدة العلاقة الجنسية؟
هو الوقت اللي بيُستغرق من أول دخول العضو الذكري لمهبل المرأة، لحد الوصول للنشوة الجنسية للراجل والست، وكل ما قبل العملية دي وما بعدها مش محسوب ضمن مدة العلاقة الزوجية.
-
هل مدة العلاقة الجنسية ثابتة عند كل المتزوجين؟
طبعًا لا، في عوامل كتيرة بتأثر على مدة العلاقة الجنسية، منها:
- استخدام الواقي الذكري.
- عمر الزوجين.
- مقدمات العلاقة الجنسية.
- الحالة النفسية للزوجين بتأثر على مدة الجماع.
- الحالة الصحية للزوجين.
-
إيه هي المدة الطبيعية للعلاقة الجنسية؟
علميًا المدة الطبيعية للعلاقة الجنسية من 3 لـ 7 دقايق، فالعلاقة الحميمة اللي بتستغرق من دقيقة لدقيقتين تعتبر قصيرة جدًا، ومحتاجة يتعرف أسبابها، والعلاقة اللي بتستمر أكتر من 10 دقايق طويلة جدًا، ومحتاجة لاستشارة طبية.
-
نصايح مهمة عن مدة العلاقة الجنسية
- لو انتي متضررة من طول أو قصر مدة العلاقة الجنسية، لازم تتكلمي مع جوزك بكل هدوء، وتوصلوا لحل مع بعض.
- استشارة المتخصصين أهم حاجة في الوصول لحل مناسب للزوجين.
- ما تاخدوش معلوماتكم لا من الأصدقاء ولا من المواقع اللي بتقدم محتوى جنسي، لإن كل المعلومات دي مش صحيحة وهتضركم جدًا.
مع تمنايتنا ليكي بحياة جنسية سعيدة.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
التعليق باستخدام حساب فيس بوك