محتويات المقال
سواء هتبتدي تنزلي شغل أو أنتي أمراة/أم عاملة وهتغيري من كارير لكارير أو من مكان لمكان، الإنترفيو حاجة لابد منها قبل ما تتقبلي في أي شغل. وحاجة من أكتر الحاجات اللي بتشغل تفكيرنا كتير قبل الإنترفيو هي ” ألبس ايه وأنا رايحة إنترفيو Interview؟ “. وبما إن مفيش حاجة واحدة تنفع كل الستات، ومفيش ستايل واحد ينفعنا كلنا، في المقال ده، هنكلمك إيه أفكار أفضل ملابس الإنترفيو Interview وكمان عن خيارات موجودة لملابس مقابلة العمل الشخصية للمحجبات. قبل ما نبدأ، ممكن الشركة تقول لك في تليفون تحديد ميعاد الإنترفيو الـdress code المطلوبة. ولو ده ما حصلش، تقدري تدوري على صفحة الشركة على فيسبوك إيه طبيعة اللبس اللي بيلبسوا الموظفين هناك، فتتخيلي إيه المفروض من اختيارات ملابس مقابلات العمل الجاية.
تقدري تشوفي هنا كل ما يتعلق بموضة 2020
-
ملابس الإنترفيو الرسمي ( Formal )
أهم أنواع الإنترفيوهات والمقابلات عمومًا – حتى لو اجتماع – هو الاجتماعات والإنترفيوهات الرسمية. وهنا لازم تيجي البدلة. يستحسن طبعًا تلبسي معاها كعب عالي، وقميص بياقة. عشان تكمل الشياكة والرسمية، اختاري لون محايد زي رمادي أو كحلي أو بني أو أسود. ولو ما بتحبيش البدل قوي، تقدري تلبسيها منقطة أو مخططة، مش شرط سادة. لكن خدي بالك إنك دايمًا تعكسي، يعني لو البدلة منقطة أو فيها أي شغل، القميص يكون سادة، أو العكس. هتلاقي في كل الصور ستايل أول أكتر ينفعك لو انتي محجبة.
أفكار ملابس إنترفيو – المصدر: Pinterest
أفكار ملابس إنترفيو – المصدر: Pinterest
أفكار ملابس إنترفيو Interview – المصدر Pinterest
-
ملابس مقابلات العمل (بيزنس)
لو اتقال لك في تليفون تحديد ميعاد الإنترفيو إنك تلبسي business dress code، ده معناه إنك يستحسن تميلي ناحية البساطة والمحافظة، لكن هنا فيه تنوع أكتر من البدلة. تقدري تطقمي جاكيت على جيبة وبلوزة، أو جاكيت على بنطلون وبلوزة. وممكن تستغني عن الجاكيت لو الدنيا حر قوي. تقدري كمان تلبسي فستان.
أفكار لبس إنترفيو – المصدر Pinterest
أفكار ملابس المقابلة الشخصية – المصدر Pinterest
أفكار ملابس مقابلات العمل – المصدر Pinterest
-
ملابس إنترفيو كاجوال
صعب نتخيل إن فيه إنترفيوهات كاجوال أو مش رسمية قوي، بس فيه أماكن ما بتتطلبش أي لبس بعينه للموظفات خاصة لو شغلك مش هيكون له علاقة بالتعامل مع الناس بأي شكل. بس حتى في الحالة دي، بلاش تروحي كاجوال زيادة عن اللزوم، بلاش هوودي وبنطلون الجيم، وفي نفس الوقت مش لازم حاجة رسمي قوي زي البدلة. ممكن بلوزة مع بنطلون قماش أو جيبة “صك”. لو انتي في البرد، خدي عليكي جاكيت بس مش بالطو ومش رسمي قوي.
أفكار ملابس مقابلات العمل – المصدر Pinterest
أفكار ملابس مقابلات العمل – المصدر: Pinterest
أفكار ملابس إنترفيو – المصدر Pinterest
نتمنى لك التوفيق في الإنترفيو مهما كان شكل اللبس.
التعليق باستخدام حساب فيس بوك