محتويات المقال
أمهات كتير بتقلق أثناء فترة الحمل من مشاكل المشيمة، في المقال ده هنتعرف على إيه هي المشيمة وإيه المشاكل الصحية اللي ممكن تتعرض لها الحامل:
إيه هي المشيمة؟
- المَشيمة هي عبارة عن عضو ينمو في الرحم خلال فترة الحمل، وبتشتغل المَشيمة على توفير الأكسجين والعناصر المغذية للجنين والتخلص من الفضلات الموجودة في دم الطفل.
- المَشيمة بتكون ملتصقة بجدار الرحم، وبيخرج منها الحبل السُري اللي بيوصل إلى الجنين، وبيلتصق العضو ده عادةً بأعلى الرحم أو بجانبه أو بالجزء الأمامي أو الخلفي منه، وفي حالات نادرة، ممكن المَشيمة تلتصق بالمنطقة السفلية من الرحم، ولما ده يحصل، بتُعرف باسم المَشيمة المنخفضة (المَشيمة المنزاحة).
بالفيديو: تجهيز شنطة الولادة في الشتاء
إيه اللي ممكن يأثر في صحة المشيمة؟
في حاجات كتير ممكن تأثر على صحة المشيمة منها حاجات قابلة للعلاج وحاجات غير قابلة، منها:
- عُمْر الأم. في أنواع معينة من مشكلات المَشيمة بتحصل بشكل أكتر شيوعًا عند السيدات الأكبر سنًا وخاصة بعد سن 40.
- نزول ماء الرحم قبل الولادة، أثناء الحمل طفلك بيحاط بغشاء مليان سائل اسمه الكيس السلوي لحمايته، لو الكيس ده حصل له حاجة فده بيزود خطر مشكلات معينة في المشيمة.
- ارتفاع ضغط الدم.
- الحمل بتوأم أو الحمل المتعدد.
- اضطرابات تجلُّط الدم: أي حالة مرضية ممكن تعمل إعاقة لقدرة الدم على التجلُّط أو بتزيد من احتمالية التجلُّط فهتزيد احتمالية حدوث مشكلات معينة في المشيمة.
- إجراء عملية جراحية سابقة في الرحم زي العملية القيصرية أو جراحة استئصال الأورام الليفية.
- مشاكل المشيمة السابقة.
- شرب المخدرات أو الكحول. بتحصل مشاكل في المشيمة بشكل أكبر عند السيدات اللي بيدخنوا أو بيتعاطوا مخدرات.
- التعرض لإصابة جسدية في البطن. بتزيد الإصابة الجسدية في البطن – زي الناتجة عن السقوط أو حوادث السيارات أو أي نوع تاني من الصدمات – من خطر انفصال المشيمة عن الرحم بدري (انفصال المشيمة).
ممنوعات الحمل: حاجات ياريت متعمليهاش في فترة الحمل
أنواع مشاكل المشيمة:
- انفصال المَشيمة المبكر:
لو انفصلت المشيمة عن الجدار الداخلي للرحم قبل الولادة -سواء بشكل كلي أوجزئي- فتُصاب الحامل بحالة مرضية بتُعرف باسم انفصال المَشيمة المبكر، وده ممكن يحرم الطفل من الأكسجين والعناصر الغذائية ويسبب نزيف شديد للأم.
- المَشيمة المنزاحة:
- ده بيحصل لما المشيمة تغطي عنق الرحم -مخرج الرحم- بشكل جزئي أو كلي، بتحصل المَشيمة المنزاحة بصورة أكبر في بداية الحمل وممكن تختفي مع نمو الرحم.
- المَشيمة المنزاحة ممكن تتسبب للأم في نزيف مهبلي حاد خلال فترة الحمل أو الولادة. وفي حال استمرار المَشيمة المنزاحة في آخر 3 شهور من الحمل فغالبًا دكتور النساء بيوصي بالعملية القيصرية.
- المَشيمة الملتصقة:
بتنفصل المَشيمة عادةً عن جدار الرحم بعد الولادة، ولو الأم كانت مصابة بالمَشيمة الملتصقة، ييلتصق جزء من المَشيمة أو المَشيمة كلها بالرحم بشدة، وده بيحصل لما تنمو الأوعية الدموية والأجزاء التانية للمَشيمة بعمق داخل جدار الرحم.
- المَشيمة المحتبسة:
لو ما خرجتش المَشيمة خلال 30 دقيقة بعد الولادة، فالحالة دي بتعرف باسم المَشيمة المحتبسة، في حال عدم علاج المَشيمة المحتبسة، ده ممكن يسبب عدوى شديدة أو فقد كمية كبيرة من الدم تهدد حياة الأم.
هبوط الرحم .. أسبابه وطرق الوقاية منه
إيه علامات أو أعراض مشكلات المشيمة؟
لازم تستشيري الدكتور لو حصل لك أي حاجة من الأعراض دي:
- النزيف المهبلي.
- ألم البطن.
- ألم الظهر.
- تقلصات الرحم.
وبنتمنالك كل الصحة والسلامة.
المصادر:
التعليق باستخدام حساب فيس بوك