المشيمة هي البيت اللي بيعيش جوه البيبي طول فترة الحمل، وعشان البيبي يطلع للنور بصحة وعافية لازم البيت ده يكون صحي وقوي، لكن في بعض الحالات بيكون في مشاكل ممكن تأثر على المشيمة، أشهرها المشيمة المنخفضة أو نزول المشيمة على الجنين قبل الولادة، وبيفضل السؤال الأساسي يا ترى البيبي ممكن يتأثر ولا لأ في الحالة دي ويا ترى صحة الأم بتكون عاملة إزاي؟
اقرأي أيضا:المشاكل الصحية المتعلقة بالمشيمة
يعني إيه المشيمة المنخفضة (نازلة)؟
بتنزل خلاله المشيمة اللي شايلة البيبي من مكانها الطبيعي وتوصل لعنق الرحم، وفي الحالة دي بتغطي عنق الرحم بشكل كلي أو جزئي وده بيكون واحد من الأسباب الرئيسية اللي بتمنع الولادة الطبيعية، لأن سقوط المشيمة في الحالة دي بيصعب خروج الجنين من عنق الرحم بشكل طبيعي خلال الولادة الطبيعية.
مخاطر المشيمة المنخفضة (المشيمة النازلة على الجنين)
المخاطر المتعلقة بنزول المشيمة بتمس الأم افي المقام الأول، أما البيبي فغالبا بيكون في أمان مادم الأم هتولد قيصري وعلى متابعة مستمرة مع الطبيب، لكن إيه هي المخاطر المتعلقة بالأم؟
- نزيف في الثلث الأخير من الحمل مش مجرد نقط بسيطة لكن نزف واضح لونه أحمر وشديد
- البيبي مابيلفش وقت الولادة بتفضل راسه فوق وحوضه تحت
- ألم وتشنجات
- الولادة القيصرية بدلا من الولادة الطبيعية.
اقرأي أيضا:اربع حالات تستعدي الولادة القيصرية
ليه المشيمة ممكن تنزل؟
أسباب نزول المشيمة المنخفضة كتيرة جدا منها مثلا:
- الولادات القيصرية السابقة
- عمليات الإجهاض وتنضف الرحم السابقة بطرق مختلفة زي الكشط
- التحفيز الصناعي للولادة في ولادات سابقة
- تضخم حجم المشيمة
- الحمل في توأم
- السكن في أدوار عالية واضرار الحامل للطلوع أدوار مرتفعة
- التدخين أثناء أو بعد الحمل
- الحمل المتأخر بعد سن الـ 40
- الإصابة السابقة بنزول المشيمة
- جراحات ألياف الرحم السابقة
- الحمل باستخدام التلقيح الصناعي
- تعاطي المخدرات أثناء الحمل
- وجود مشاكل خلقية في الرحم نفسه
- إمتى ممكن يحصل نزول في المشيمة
- غالبا نزول المشيمة بيحصل في الشهور الأخيرة من الحمل
اقرأي أيضا: 4 علامات بتقولك إن اللولب ممكن يكون اتحرك من مكانه
الحفاظ على الحمل في حالة نزول المشيمة
لو انتي مصابة بانخفاض المشيمة فاحنا بنطمنك مادمتي متابعة مع طبيب فانتي في أمان طول مانتي متبعة التعليمات وبتاخدي أدويتك وبتعملي الحاجات دي:
- ماتصمميش على الولادة الطبيعية لأنها مش اختيار ناجح في حالتك
- نامي كويس جدا قبل الولادة
- ارتاحي فترات كبيرة وماتعمليش مجهود
- تجنبي الجماع
- ولو اتبعتي كل التوجيهات دي ولسة حاسة بتعب أو لاحظتي وجود نزيف بأي شكل مهما كان بسيط، الجأي للطبيب فورا عشان تطمني إن كانت الأمور تمام أو هاتحتاجي لولادة مبكرة.
اقرأي أيضا: كم عملية قيصرية يتحملها الرحم
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
مايوكلينك
التعليق باستخدام حساب فيس بوك