الحامل بتسمع كتير نصيحة: امشي علشان تولدي طبيعي، وفي حوامل بيمشوا كتير في الشهور الأخيرة للحمل علشان علاقة المشي والولادة الطبيعية ببعض، لكن مش بتجيلهم الولادة الطبيعية، فهل يا ترى فعلا المشي بيساعد على الولادة الطبيعية؟ ده اللي هنعرفه في المقال ده:
-
المشي والولادة الطبيعية هل ليهم علاقة ببعض؟
لما بتكوني في وضعية المشي، ده بيكون وضع عمودي للجنين في الرحم، ومع المشي بيحصل ضغط في نفس الاتجاه، واللي هو اتجاه راس الجنين ناحية عنق الرحم، لو الطفل أصلا راسه في الاتجاه السليم.
هنا ممكن تشوفي زيت الخروع لتسريع الولادة الطبيعية .. علميًا صح؟
-
هل المشي مناسب لكل الحالات؟
لو الجنين مش في الاتجاه الصحيح، المشي هيساعده على أخذ اتجاه أفضل، وده ممكن يساعد على تحفيز الولادة الطبيعية، لكن في الحالة دي لازم تمشي لو الدكتور طلب منك، لإن في ناس بتفتكر إن المشي هيخلي الجنين يعدل وضعه أيًا كانت وضعيته الحالية، وده مش صحيح، وفي حالات الأطباء بيمنعوا فيها المشي تمامًا بسبب وضع الجنين، لإنه ممكن المشي يحفز الولادة الطبيعية رغم إن الجنين راسه مش في اتجاه عنق الرحم، وده فيه خطورة كبيرة على الأم وعلى الجنين.
-
أمشي ازاي قبل الولادة؟
لو انتي جسمك رياضي، ومارستي التمارين الرياضية أثناء حملك، فممكن تمشي بقوة وسرعة معقولة، لكن لو د ماحصلش، فالأفضل إنك تمشي بالراحة وبهدوء.
-
حالات ممنوع فيها المشي قبل الولادة:
- تجربة ولادة مبكرة سابقة.
- المشيمة الساقطة.
- بعض الأمراض زي أمراض القلب والضغط العالي.
- ضعف الحمل.
-
المشي والولادة الطبيعية .. أمشي إمتى وقد إيه؟
من بداية الشهر التامن، لمدة 10 دقايق يوميًا.
-
احتياطات تاخديها أثناء المشي:
- لازم تمشي في أماكن مخصصة للمشي، مش طرق متكسرة ممكن تعرضك لأي حوادث لا قدر الله.
- البسي لبس قطني ومريح.
- يفضل يكون معاكي مرافق، لكن لو مش متاح عرّفي حد قريب منك إنك بتمشي ومكان تمشيتك.
- لو حسيتي بتعب أو أعراض غريبة وقفي مشي فورًا وارتاحي وكلمي حد يساعدك.
- اشربي مياه كتير.
- امشي في جو معقول وبعيد عن الشمس أو الأماكن المضلمة.
دعاء تسهيل الولادة : أفضل 5 أدعية للولادة
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
التعليق باستخدام حساب فيس بوك