محتويات المقال
نتوياج هي كلمة فرنسية معناها التنضيف. وطبعًا من المعنى ده عرفتوا إن أكيد جلسات النتوياج اللي بنسمع عنها في الصالونات والسبا هي جلسات لتنضيف البشرة. لكن إيه هو النتوياج بالظبط وبيتعمل ازاي، ده اللي هنعرفه من المقال ده.
هنا في طريقة تنظيف البشرة العميق في البيت بدل ما تروحي الصالون.
إيه هي جلسات النتوياج؟
جلسات النتوياج واحدة من أحسن طرق التنظيف العميق للبشرة، وده لإن النتوياج بيقشر الطبقة الخارجية فبتظهر الطبقة الداخلية اللي مافيهاش عيوب وتجاعيد وده بيجدد البشرة وبيرجع لها المظهر النضر والحيوي. الميزة في جلسات النتوياج إنها طبيعية ومافيهاش كيماويات ضارة، وفي نفس الوقت نتيجتها فعالة وممكن جلسة واحدة تساعد في حل المشاكل كلها وتخرجي منها ببشرة نضيفة ونقية.
سمعتي عن الريتينول؟ ده واحد من أحدث صيحات العناية بالبشرة .. اعرفي هنا أكتر عن المنتج ده
إيه هي فوائد النتوياج في تنظيف البشرة العميق؟
أولًا: زي ما قلنا التقشير بيشيل الطبقة الخارجية وده معناه إن الجلد الميت كله بيتشال.
ثانيًا: لما ده بيحصل البشرة بتكون منتعشة ومتجددة وكإنها طبقة لسه مولودة.
ثالثًا: إزالة الحبوب وآثارها وعيوب البشرة.
رابعًا: بتنفع مع كل أنواع البشرة حتى البشرة الدهنية والمختلطة.
لو لسه ما تعرفيش بشرتك عادية ولا مختلطة ولا جافة .. ادخلي هنا وشوفي ازاي تعرفي نوع بشرتك
إيه فوائد الاستمرار عليها؟
المواظبة على النتوياج بشكل شهري بيجدد البشرة وبينشط الدورة الدموية وبيفتح البشرة وبيمنع ظهور الحبوب لإنه بينظف خلايا بشرة الوجه وبيسيبها نضيفة ونقية.
التعليق باستخدام حساب فيس بوك