دعا الآلاف من مستخدمي الانترنت وشبكات التواصل الاجتماعي لمقاطعة نتفليكس تحت شعار #Cancelnetflix بسبب إدراجها للفيلم الفرنسي Mignonnes أو Cuties على منصتها.. واتنشر على تويتر آلاف التغريدات إللي بتاندي بمقاطعة شبكة نتفليكس بسبب الفيلم ده على الرغم من إنه الفيلم مش من إنتاج نتفليكس ولم يعرض على نتفليكس MENA.
النقاد وخبراء التربية والأطباء النفسيين اعتبروا إنه الفيلم ده بيروج للغلمانية أو “البيدوفيليا” أو الجنس مع الأطفال عن طريق اظهارهم في شكل غير لائق بملابس ورقصات مثيرة تحفز على “اشتهاء الأطفال” على الرغم من إنه قصة الفيلم هادفة وحصد جايزة إلا إنه ظهور الأطفال بالشكل ده جوة سياق الفيلم هو إللي عمل المشكلة.
يتناول فيلم “مينيون” قصة بنت فرنساوية عندها 11 سنة اسمها إيمي، بتحاول التوفيق بين مبادىء التربية الصارمة في عيلتها السنغالية وبين رغباتها الشخصية.
وبتلتحق إيمي بفرقة رقص بتضمّها لـ 3 بنات تانيين من سكان حيّها، وبيرقصوا رقصات للأسف كان البعض منها شبه الرقصات الإباحية إللي بيعملوها الراقصات الكبار للمتعة.
جدير بالذكر إنه الفيلم إللي بيمثل فيه أطفال مصنف 18+ وحصل على تقييم 1.7 على موقع IMDB المتخصص في ريفيوهات الأفلام بالإضافة لإن التريلر حصد أكتر من مليون Dislike على تويتر!
دي مش أول مرة نتفليكس بتقدم فيلم بيثير الجدل.. اكتبولنا رايكم في تعليق على المقال ده.
التعليق باستخدام حساب فيس بوك