شفنا كتير حالات طلاق كارثية. ولسه بنشوف لحد قريب جدا مشاهير كتير بتنفصل وبتكون تجربة مريرة فيها كل طرف بيتكلم عن الطرف التاني بشكل بشع. لكن برضه لفت نظرنا قريب تعامل الفنانة غادة عادل وطليقها المخرج مجدي الهواري وهم بيتكلموا عن بعض بمنتهى الجمال.
الفنانة غادة عادل والفنان مجدي الهواري قضوا سنين شبابهم كلها مع بعض (فضلوا متزوجين لمدة ٢٠ سنة) وعندهم ٥ أطفال جمال، لكن في السنين الأخيرة، تم انفصالهم بشكل هادئ ومن غير مشاكل كتير.
تحضيرات الطلاق: حاجات لازم تاخدي بالك منها قبل خطوة الطلاق
صور إنستاجرام
في عيد ميلادها الأخير، نشر مجدي الهواري الصور دي اللي بتجمعه بغادة وكتب لها “كل سنة وانتي طيبة يا أغلى وأطيب دودو في الدنيا.”
رانيا شكري: اخترت يكون كتابي الأول عن الانفصال بسبب ارتفاع نسب الطلاق
أول مواجهة إعلامية
برنامج “بصراحة مع” على mbc استضاف الثنائي وكانت أول مرة يطلعوا في الإعلام بعد الطلاق. غادة عادل بكت وقالت إنها ما بتحبش الذكريات. ومجدي قال إنه وجودهم مع بعض طول السنين دي كانت حاجة جميلة. الحقيقة الحاجة الجميلة فعلا إن الطرفين اتكلموا بمنتهى الأخلاق والذوق عن بعض.
التعليق باستخدام حساب فيس بوك