لو حامل أو بتفكري في الحمل للمرة التانية وبتسألي يا ترى أقدر أولد ولادة طبيعية بعد الولادة القيصرية الأولى؟ وهل ده له مميزات أفضل من الخضوع لعملية قيصرية تانية؟ فهتلاقي هنا إجابات لأسئلتك اللي هتعرفك مزايا وعيوب الولادة الطبيعية بعد القيصرية. سيدات كتير بيكون قدامهم فرصة للولادة الطبيعية في ولادتهم التانية بعد ولادة أولى قيصرية، حتى إنه في 2013، 70% من السيدات في الولايات المتحدة نجحوا في إنهم يولدوا طبيعي بعد عملية القيصرية. لو قدامك فرصة للولادة الطبيعية، ومحتارة ما بين الانتظار أو تحديد ميعاد الولادة القيصرية، هنقدم لك مجموعة معلومات هتساعدك في القرار.
ليه لازم تفكري في الولادة الطبيعية بعد الولادة القيصرية؟
بالمقارنة مع الخضوع لولادة قيصرية تانية، فالولادة الطبيعية لا تتضمن الخضوع لجراحة، ولا حتى المضاعفات المحتملة للخضوع لعملية جراحية، وطبعًا إقامة أقصر في المستشفى، ده غير سرعة شفاء والعودة لممارسة أنشطة حياتك اليومية في أسرع وقت.
هنا أشياء لم يخبرك بها أحد قبل وبعد الولادة القيصرية
إيه هي مخاطر الولادة الطبيعية بعد القيصرية؟
في العادي، الولادة الطبيعية الناجحة بتتميز بمضاعفات أقل بكتير من الولادة القيصرية المتكررة الإختيارية. لكن في حالة فشلها، ممكن وفي حالات نادرة جدًا توصل لتمزق في الرحم، بتحصل في أقل من 1 بالمائة من السيدات اللي بيحاولوا إنهم يولدوا ولادة طبيعية. فلازم تعرفي إن الإصرار على خوض ولادة طبيعية (لو الطبيب شاف العكس) بيهدد صحتك وصحة طفلك خصوصًا لو حصل تمزق في الرحم. لأن تمزق الرحم في حد ذاته هيفتح جرح القيصرية القديم، والموضوع ممكن يوصل لاستئصال للرحم. وعلشان كده، من المهم لو ظهرت علامات خطر عليكي خلال الولادة الطبيعية إنك ما تصريش عليها وتوافقي تعملي ولادة قيصرية.
تعرفي كام عملية قيصرية يتحملها الرحم؟
مين تنفع تولد طبيعي بعد الولادة القيصرية؟
بعتمد قدرة السيدة على الولادة الطبيعية بعد القيصرية على عدة عوامل منها :
- نوع الشق الجراحي في الرحم اللي تم استخدامه في الولادة القيصرية السابقة في المعتاد بيتم عمل شق عرضي منخفض في معظم عمليات الولادة القيصرية. والسيدات اللي خضعت للنوع ده من الشق الجراحي سواء أفقي أو عرضي منخفض بيكون عندهم فرصة للولادة الطبيعية في ولادتهم التالية بعد القيصرية، لكن لو جرحك القديم من النوع الشق الأفقي المرتفع فمن الأفضل عدم الولادة الطبيعية لأنه ممكن يعرضك للإصابة بالتمزق بالرحم.
- لو سبق أنك أصبتي بتمزق الرحم، فإنتي غير مرشحة للولادة الطبيعية التالية للقيصرية.
- لو أجريتِ أي عمليات جراحية تانية للرحم، زي إزالة لورم ليفي، فمن الأفضل عدم الخضوع للولادة الطبيعية بعد ولادة قيصرية سابقة لتجنب خطر الإصابة بتمزق الرحم.
- لو ولدتي ولادة طبيعية قبل كده، لو حصل وولدتي ولادة طبيعية قبل ولادة قيصرية سابقة ففرصتك لولادة طبيعية بتكون عالية.
- حسب عدد الولادات القيصرية اللي سبق وخضعتي ليها لو ولدتي مرتين قيصري قبل كده فلن يتم عرض الولادة الطبيعية عليكي.
- إمتى آخر مرة ولدتي تزداد خطورة الإصابة بتمزق الرحم لو حاولتي الخضوع لولادة طبيعية بعد القيصرية بأقل من 18 شهر من الولادة السابقة.
- لو عندك مشاكل صحية ممكن تؤثر على الولادة الطبيعية فالأطباء هينصحوا بالجراحة القيصرية لو كان عندك مشكلات في المشيمة، أو كان طفلك في وضع غير طبيعي، أو كنتي حامل بثلاثة توائم أو أكثر. اعرفي من هنا الحالات اللي تستدعي الولادة القيصرية.
نصائح إضافية
- لو بتفكري في ولادة طبيعية بعد القيصرية، لازم تناقشي الموضوع مع دكتورك ومخاوفك وتوقعاتك من أول بداية الحمل.
- تأكدي من إطلاعه على تاريخك الطبي بالكامل، وده بيشمل سجلات العملية القيصرية السابقة وأي عمليات أخرى في الرحم.
- اختاري مستشفى تكون جاهزة للولادة القيصرية الطارئة. واعرفي ازاي تستعدي للولادة القيصرية.
- حاولي أنك تحافظي على مرونتك في المقام الأول. لأن ممكن ظروف الولادة عندك تصعب عليكي خيار الولادة الطبيعية بعد الولادة القيصرية.
التعليق باستخدام حساب فيس بوك