بنشوف كتير على السوشال ميديا فيديوهات للولادة في المياه، والحقيقة إن أمهات كتير قوي بيخافوا من مجرد مشاهدة الفيديوهات دي، وبيحسوا إنها حاجة مش منطقية، وأول سؤال بيجي على البال إزاي البيبي مش بيغرق؟ وفي المقال ده هنقولك على كل حاجة تخص الولادة في الماء
إيه هي الولادة في الماء؟
هي طبعًا للولادة الطبيعية، وبتتم في حوض كبير فيه مياه بدرجة حرارة 37.5، وفايدة المياه إنها بتخفف آلام الولادة، والضغط على الأم، وبتخلي الطفل يتولد في محيط يشبه محيط السائل الأمنيوسي اللي كان فيه في الرحم، وبتتم الولادة في المياه بطريقتين، الطريقة الأولى الولادة لآخرها في المياه، والطريقة التانية، بتكون الأم في المياه لحد ما الجنين يبدأ يخرج من الرحم، وبعدين بتكمل الولادة برا المياه.
لو قربتي تولدي وعايزه تعرفي معاد ولادتك امتي .. ممكن تشوفي هنا حاسبة موعد الولادة وتقولك معاد ولادتك بالظبط
إيه فوائد الولادة في المياه؟
- مش بتحتاج تخدير أو حقن مسكنة.
- بتقل فيها حالات تمزق المهبل اللي بيحصل في الولادة الطبيعية، لأنه يساعد على مرونة العجان.
- المياه الدافية بتقلل من آلام المخاض، وبيخليكي أكتر راحة واسترخاء، وبييقلل من التوتر والشد العضلي.
- الولادة في المياه بتسرع من الطلق والولادة، وده بسبب أنه بيقلل من الهرمونات اللي بيفرزها التوتر، وبالتالي بيساعد على زيادة هرمونات الأوكسيتوسين المسؤول عن الطلق، وده بيزود اتساع الرحم استعدادًا للولادة.
نصائح لتتخفيف من آلام الولادة في الماء
- اطلبي من زوجك أو المرافقات ليكي إنهم يعملوا ليكي مساج على ضهرك.
- اتعلمي تمارين تنظيم التنفس، لإن ده بيساعد على تسريع الولادة.
موانع الولادة في المياه
- إذا كان الجنين مش في وضع الولادة الطبيعية.
- إذا كنتي بتعاني من مرض جلدي المياه بتأثر عليه سلبًا، أو فيه احتمالية إنه يتنقل للجنين.
- إذا كنتي معرضة للإصابة بنزيف.
- الولادة المبكرة.
- الحمل في توأم.
- تسمم الحمل، أو تسمم في الدم.
ودي 5 طرق لتسهيل الولادة الطبيعية
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك