محتويات المقال
امرأة برج الحمل هي اللي إدت كلمة الاستقلالية معنى جديد، امرأة برج الحمل هي اللي ما بتعملش أي حاجة لمجرد إن الناس متعودة عليها. هي لازم تكون مؤمنة 100% بالحاجة إللي هي بتعملها. امرأة برج الحمل تنافسية لأعلى درجة، ذكية ومندفعة، ودايمًا بتفكر في أكتر من اتجاه في نفس الوقت. صعبة الإرضاء وطموحة جدًا.
تاريخ ميلاد برج الحمل 21 مارس – 19 أبريل
توافق الأبراج مع برج الحمل:
الأبراج التي تتوافق مع برج الحمل: القوس، الميزان، الأسد
الأبراج التي لا تتوافق مع برج الحمل: السرطان، الجدي
توقعات الأبراج 2020 امرأة برج الحمل من ماجي فرح
السنة دي هتكون سنة فيها جرعة كبيرة من الحماس والنجاح الشخصي والمهني لامرأة برج الحمل. هتكون سنة نشيطة وهتقرب فيها امرأة برج الحمل من أهدافها بثقة كبيرة. وده معناه إن السنة هتكون كلها حياة وإن تصرفاتك وتحركاتك هتكون سريعة ومزدهرة. استغلي نتيجة كل التعب اللي تعبتيه والشغل اللي اشتغلتيه السنين اللي فاتت في إنك تخلي السنة دي سنة جميلة.
امرأة برج الحمل والحب
امرأة برج الحمل هي اللي هتبدأ بالمبادرة لما تحب، هي اللي هتعترف بالحب. بس عشان تفضل واقعة في حب شخص، لازم يكون نشيط وحِرِك ومثير للاهتمام. بتحب المغامرة، ما دام هيفضل شريكها بالمواصفات دي، العلاقة هتفضل قوية وطويلة.
امرأة برج الحمل والعمل
أكتر حاجة بتلمع فيها امرأة برج الحمل، كونها طموحة ومبدعة وعايزة تحقق أحسن نتايج بيخليها في أحسن مستوى لها في الشغل. أكتر برج مؤهل إنه يكون مدير وبما إنها بتحب المنافسة فهي فعلًا بتكون مديرة بالسعي ورا ده، أما لو مرؤوسة فهي بتكره الوضع ده جدًا وبتسعى للإدارة بكل شكل، لإنها ما تحبش تاخد أوامر. وبما إنها الأنجح والأشطر في شغلها، فزمايلاها دايمًا بيلجأوا لها في أي نصايح في الشغل.
امرأة برج الحمل والصحاب
بتحب يكون عندها أصدقاء مختلفين باهتمامات مختلفة. لكن الصداقة الوحيدة اللي بتدوم في حياة امرأة برج الجدي هي الصداقة مع الأشخاص اللي بيشاركوها نفس درجة النشاط ويقدروا يخرجوا معاها خروجات مش تقليدية، ورش، تمشية طويلة في الطبيعة، خروجة فيها تنطيط، مش بتميل للخروجات في كافيه ويشربوا قهوة سوا زي الخروجات التقليدية.
امرأة برج الحمل والموضة
كونها برج ناري، وكونها كمان مبادرة وعاطفية، بيخليها تميل للألوان الحمرا والبرتقالي والبمبي والأصفر. وبتحب اللبس الرياضي، sneakers وسويت شيرت.. حاجة تجمع بين الشياكة وبين الراحة.
أهم مميزات امرأة برج الحمل شجاعة ومركزة ومتفائلة وصادقة
أبرز عيوب امرأة برج الحمل قلة الصبر وعصبيتها واندفاعها
كيف تتعامل مع امرأة برج الحمل؟
امرأة برج الحمل أحسن بالنسبة لها إنها تسمع أيا كان اللي بيدور في دماغ اللي قدامها ورأيه فيها زي ما هو بصدق عن إنها تسمع أشعار غزل فيها. امرأة برج الحمل بتحب دايمًا الأحسن من كل حاجة، وبتفضل تسعى لها، عشان كده، ما ينفعش اللي قدامها يخيرها بينه وبين مشروع من مشاريعها، ولا حتى يشتت تركيزها عن المشروع اللي هي شغوفة به.
التعليق باستخدام حساب فيس بوك