الأبراج: صفات امرأة برج الدلو بالتفصيل

امرأة برج الدلو مستقلة وفريدة من نوعها، وعشان كده بتحب تكون متفردة وما تتوصفش إنها زي أي حد تاني. مؤمنة جدًا بسنة الحياة في التغيير والتطور، مؤمنة إنها لازم تغير العالم لمكان أفضل، وقلقهم على الناس مش جاي كرد فعل لمعاملة الناس لهم، لكن نابعة من إيمانهم بالناس ومحبتهم للمساعدة. شعارها في الحياة “مفيش حاجة اسمها أنا، فيه احنا”.

تاريخ ميلاد برج الدلو 20 يناير – 18 فبراير

توافق الأبراج مع برج الدلو:

الأبراج التي تتوافق مع برج الدلو: الجوزاء والدلو والقوس
الأبراج التي لا تتوافق مع برج الدلو: الجدي والتور

توقعات الأبراج 2021 من ماجي فرح

ماجي فرح بتقول إن هيكون فيه تجارب وامتحانات في السنة دي لكن في نفس الوقت، التناغم والأجواء الجميلة هتكون موجودة، والموضوع هيكون بمثابة نفق مضلّم هتمشي فيه وتلاقي بعده نور وخير كتير. الصيف هيجي لها بأخبار جميلة ومفاجآت مبهجة هتخلّص كل خلافاته مع زمايل الشغل وهتخلص معاها العقبات اللي في طريقها للرومانسية، اللي هتنتهي بالجواز السعيد

امرأة برج الدلو والحب

صعب أي حد يعرف إنها بتحبه. لأنها بتحب أصحابها جدًا وبتقربها منهم جدًا فممكن حد من أصحابها يفتكر إنها بتحبه، لكن الحقيقة ممكن تكون عكس كده. بيبان عليها إنها بتحب بس لما بتعمل بعض التصرفات زي إنها تبعت للشخص اللي بتحبه رسايل كتير. بتكره الرسايل جدًا، فلو بعتت رسايل كتير لشخص، ده معناه إنها فعلًا مهتمة. وعلامة تانية برضه على إنها مهتمة وبتحب هي لو خططت لحاجة مع حد، لأن امرأة برج الدلو بتكره التخطيط جدًا.

امرأة برج الدلو والعمل

بتقدر تشتغل على أكتر من حاجة في نفس الوقت من غير ما يبان عليها الضغط. لكن مشكلتها في الشغل هو البيروقراطية، لأن الشغل أوقات بيتطلب إن حاجات معينة تتعمل بطريقة معينة، فهي بيبقى مطلوب منها إنها تتعلم إزاي تعمل الحاجات بالطريقة اللي المدير عايزها.

امرأة برج الدلو والصحاب

عندها صداقات كتير وعمرها ما هتخفيها أو تقطعها عشان ارتباط. ولأنها دايمًا حواليها ناس كتير، فلازم أصحابها اللي عايزين صداقتهم معاها تدوم يفضلوا موجودين حواليها مهما اتغيرت الظروف لإن الصداقة اللي بتدوم معاها هي الأطول والأعمق.

امرأة برج الدلو والموضة

بتفضل الألوان الفاتحة اللي بتبين إنها من برج هوائي فعلًا، زي اللبني الفاتح والأبيض والأصفر.

أهم مميزات امرأة برج الدلو

بتحب الناس بكل قلبها، بتؤمن بالناس حتى لو هم مش مؤمنين بنفسهم، هتحسن للي حواليها مودهم.

أبرز عيوب امرأة برج الدلو

بتحب أصحابها وعيلتها على حساب علاقتها الشخصية، صعب تعترف بالحب، ممكن تتخدع.

كيف تتعامل مع امرأة برج الدلو

أهم حاجة لازم أي حد يعرفها عنها إنها مش متناقضة، هي بتتطور وبتتغير. محتاجة مساحة عشان تكبر، وبتحتاج أوقات تكون لوحدها وده مش رفض أو كره للي حواليها. بتحب تتسمع وبتحب إن آرائها تحترم، مش شرط نكون متفقين مع كل آرائها لكن شرط عندها إننا نحترمها.

مصادر
Horoscope
ماجي فرح

راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.