محتويات المقال
الساعة الذكية مش بس مهمة لمتابعة النشاط البدني. لكن كمان مهمة للزينة خاصة للسيدات اللي عاوزين يلبسوا ساعة مفيدة وجميلة من حيث الشكل في نفس الوقت.
هانستعرض معاكم في موضوعنا عدد من الساعات الذكية. راعينا أنها تكون مختلفة من حيث الأسعار والأشكال والشركات. علشان يكون قدامكم اختيارات متنوعة.
Apple Watch Series 5
أفضل الساعات الذكية للسيدات
السعر: 8999 جنيه
ساعات أبل الذكية واحدة من أحدث وأقوى الساعات الذكية حوالين العالم. وكمان من أغلى الساعات – وده ممكن يكون من عيوبها- لكننا بنرشحها بقوة للسيدات المهتمات أن يبقى معاهم أغلى وأحسن ساعة ذكية والميزانية مفتوحه شوية.
المميز في Apple Watch Series 5 إن شكلها أكتر من رائع ومناسبة للسيدات خاصة أن ممكن تغيري لون الحزام بتاعها بأي لون يناسب ذوقك أوهدومك. يعني ممكن تغيري شكلها مع كل طقم جديد تلبسيه.
الشياكة مش هي الحاجه الوحيدة اللي بتقدمها أبل. الساعة بتيجي بمجموعة من أنماط التدريب ومتابعة النوم والأكل وكل أنواع التدريبات تقريبا. سواء في الجيم أو في البيت. كل ده مع تفاعل رائع مع باقي أجهزة أبل زي الآيفون أو سماعات الإير بودز.
Samsung Galaxy Watch Active2
أفضل الساعات الذكية للسيدات
السعر: حوالي 5000 جنيه
وطالما اتكلمنا عن ساعة ذكية من أبل لازم نتكلم عن منافستها اللدود.. سامسونج. الميزة في Samsung Galaxy Watch Active2 إن تصميمها نسائي أكتر من ساعة أبل شويه. تصميم دائري مهتم بأن الشاشة تاخد مساحة كويسة جدا من الساعة. كمان ممكن تغيري الحزام باللون اللي يناسبك. والميزة إن سامسونج بتدعم الساعة بمجموعة برامج وأنماط تدريب رائعة بتخلي متابعتك لصحتك ونومك مش بس سهلة. كمان ممتعة.
Huawei GT2 Diana
أفضل الساعات الذكية للسيدات
السعر: 4200 جنيه تقريبا
لو عاوزه ساعه تجمع بين السعر المناسب والمواصفات الفنية القوية مع تصميم جميل ومناسب للسيدات يبقى ساعة Huawei GT2 Diana هي المناسبة لك.
أولا الساعة بتيجي من شركة هواوي وهي شركة قوية ولها احترامها ومعروف عنها إنها بتجمع بين السعر المناسب والمواصفات القوية.
ثانيا الساعة مصممة مخصوص للسيدات وده واضح من الألوان الجذابة لها واللي بسهولة تقدري تغيري ألوان الحزام بتاعها من مجموعة واسعة من الاكسسوارات اللي بتقدمها هواوي.
وأخيرا الساعة بتيجي ببرامج متابعة صحية مخصوصة للسيدات زي القدرة على تتبع الدورة الشهرية وتسجيل بياناتها ومتابعة النشاط البدني وتقديم تمارين تناسب طبيعة الحياة اليومية للسيدات. كل ده بسعر مناسب.
Generic B78
أفضل الساعات الذكية للسيدات
السعر: 1200 جنيه
بعض السيدات بيكون الشكل بالنسبة لهم أهم من المواصفات الفنية. ومع سعر 1200 جنيه بتعتبر ساعة Generic B78 واحدة من الساعات اللي بتقدم شكل أكتر من رائع ونسائي جدا. لكن في نفس الوقت مع شاشة حجمها صغير نسبيا.
لكن اللطيف أن انخفاض السعر مش هايخليكي تخسري المواصفات الفنية القوية زي القدرة على متابعة النشاط البدني ومتابعة الدورة الشهرية وكمان جودة النوم ومدى عمقه وباقي المواصفات اللي بتقدمها الساعات الذكية. مع سعر قليل جدا وتصميم نسائي وحديث.
التعليق باستخدام حساب فيس بوك