بالصور: تسريحات مختلفة للشعر الكيرلي القصير

أغلب الأوقات بنحتاج نغير من شكل شعرنا ولو شعرك كيرلي وحسيتي إنك محتاجة لوك جديد بعيد عن الصبغة وتغيير لون الشعر اللي ممكن يسبب أذى للشعر بسبب المواد الكيماوية ممكن تلجأي لقصات شعر جديدة .. ناس كتير بتعتقد إن الشعر الكيرلي مينفعش مع الشعر القصير ولازم الشعر يبقى طويل عشان تقدري تعملي تسريحات للشعر الكيرلي جميلة أو ستايلينج للشعر لكن في الحقيقة روتين الشعر الكيرلي بردو بينفع مع الشعر القصير وبيكون شكله لطيف جدًا لو قدرتي تعملي معاه قصة صغيرة على الجبهة أو ضفيرة جانبية صغيرة أو تنسقي مع شعرك أكسسوار..

نصائح تنظيف الشعر الكيرلي

خطوة تنضيف الشعر: كل مرة هتغسلي فيها شعرك هتغسليه إما بشامبو خالي من السلفات والسيليكون زي sanosan وCorine de Farme وEvery Strand وBless، أو هتغسلي شعرك ببلسم (كو ووش co wash). الكو ووش بيبقى إنك تغسلي فروة راسك وتدلكيها كويس لمدة ما تقلش عن خمس دقايق ببلسم مكوناته مش مضرة زي: لوڨيا Lovea وسيوس syoss وإنليفن enliven وسواڨ Suave وVO5 ونفرتاري. بعد الخمس دقايق، اشطفي الشعر وفروة الشعر كويس جدا عشان تضمني نضافته.

ممكن تشوفي روتين الشعر الكيرلي هنا خطوة بخطوة