محتويات المقال
الشكل المثالي للمؤخرة مش بيتحقق بالعمليات الجراحية والتمرينات على إيد متخصصين بس، لو بتحاولي تتمرني عشان تقوّي عضلات المؤخرة وتوصلي لشكل مدور ومشدود لكن مش عارفة تبتدي ازاي، في المقال ده هتعرفي الطريقة بالفيديو والصور عشان توصلي لأكتر نتيجة مرضية من البيت من غيرما تحتاجي تروحي جيم أو نادي.
تمرين الكوبري
تمرين الكوبري لنحت وشد المؤخرة
ده تمرين مهم جدًا وطريقته بسيطة، هتننامي على ضهرك وتتني رجليكي الاتنين زي الصورة وتبدأي ترفعي وسط وتنزليه بانتظام، التمرين ده من فوايده إنه بيريح ألم الضهر.
كوبري القدم الواحدة
تمرين كوبري القدم الواحدة لشد وتكبير المؤخرة
نفس التمرين اللي فات بس الفرق إنك هترفعي رجل من الاتنين وتبدأي تطلعي وتنزلي بوسطك وإيديكي الاتنين مفرودين على الأرض، مع تبديل الرجل المرفوعة.
تمرين الكوبري مع المشي
تمرين الكوبري مع المشي لنحت وشد المؤخرة
هتفضلي في نفس الوضعية اللي عملتيها في التمرينين السابقين لكن الفرق، إنك المرة دي هتعملي تمرين يشبه المشي على الحيط. وأهم نقطة ما تنزليش بالفخدين على الأرض.
تمرين مط الأفخاد
تمرين مط الأفخاد لشد وتكبير المؤخرة
في التمرين ده، هتسندي ضهرك على طرف الكنبة وهتسندي رجليكي على الأرض بزاوية 90 درجة وهتبدأي تطلعي وتنزلي بالمؤخرة.
تمرين مط الأفخاد برجل واحدة
تمرين مط الأفخاد بقدم واحدة لشد وتكبير المؤخرة
نفس التمرين السابق بالظبط لكن الفرق إنك هتسندي برجل واحدة فقط على الأرض والرجل التانية هترفعيها كأنك سانداها على حيطة قصادك.
تمرين حرق الدهون
تمرين حرق الدهون لشد وتكبير المؤخرة
التمرين ده مذهل في حرق الدهون وتعزيز الشكل العام للمؤخرة هاتقعدي على ركبك وتسندي إيديكي الاتنين على الأرض وترفعي رجل واحدة فقط للجنب وترجع مكانها وهكذا مع الرجل التانية.
تمرين رئة الضفدع
تمرين رئة الضفدع لشد وتكبير المؤخرة
التمرين ده يشبه رئة الضفدع وهي بتتنفس هتنامي على الأرض وتفردي إيديكي الاتنين جمبك وتضمي رجليكي زي الصورة وتفتحيهم وتضميهم مع الاحتفاظ بكفوف رجليكي لازقة في بعض.
اقضي على السيلوليت
لو عندك صعوبة في اتباع التعليمات المكتوبة ممكن تشوفي الفيديو ده
الخفسة
في الفيديو ده هتشوفي مجموعة تمارين هاتساعدك في الحصول على مؤخرة كبيرة خالية من الترهلات ومشدودة
شدي الأفخاد مع تجميل المؤخرة
في الفيديو ده هتشوفي طريقة شد الأفخاد لأن المؤخرة المشدودة جمالها بيروح في وجود أفخاد كبيرة، لذلك تمرينات شد الأفخاد مع شد المؤخرة مهمة جدا.
لو مهتمة بالتمرين في البيت شوفي المقالات دي
كارديو في المنزل أفضل 6 تمارين كارديو لحرق الدهون
5 تمارين في البيت لشد البطن بسهولة
التعليق باستخدام حساب فيس بوك