لما كنا صغيرين في المدرسة، كان وقت الأكل بنستنى نشوف ماما عاملة لنا ساندوتشات إيه، ويا سلام لما تفاجئنا مرة إنها عاملة لنا بانية أو كفتة بدل الجبنة الرومي أو اللانشون.
كبرنا دلوقتي وبقينا أمهات وكتير بنحتاج نفاجئ أولادنا بحاجات حلوة نعملها لهم للانش بوكس، بس للأسف الأفكار بتخلص، ولما بندور على فكرة جديدة مرات كتير مش بنلاقي مكوناتها متوفرة عندنا في البيت، أو بتحتاج وقت طويل في تحضيرها فنكسل، خاصة لو الأم عندها أكتر من طفل.
علشان كده الشيف أسماء درويش بتقدملنا في السلسلة دي أفكار كتير سهلة التحضير ولذيذة في نفس الوقت، والفيديو ده فيه طريقة عمل رولات الفرنش توست بالموز وزبدة الفول السوداني والشيكولاته:
المكونات:
- توست
- زبدة فول سوداني
- قطع شوكولاته
- شرايح موز
- ١ بيضة
- ١/٢ معلقة فانيليا
- ١/٢ معلقة قرفة
- ١/٤ كوب لبن
- ١ معلقة صغيرة دقيق
- زبدة
للتقديم:
- ستكس جبنة وطماطم شيري
- شرايح برتقال
لو قررتي تجربي الوصفة دي، صوريها وشاركينا بإبداعك.
What’s your Reaction?
التعليق باستخدام حساب فيس بوك