محتويات المقال
سواء كانت الأم عاملة أو ربة بيت، فتحضير الأكل لوجبات الإسبوع من الحاجات اللي بتسهل عليها جدًا، وتوفر عليها الوقت والجهد في المطبخ، بس بنكون عاوزين تغيير في الوصفات، علشان ما نزهقش من تقديم نفس الوصفة أكتر من مرة، والنهارده مطبخ راحة بالي هيقدملك أفكار جديدة لتتبيل الفراخ، على طريقة الشيف أسماء درويش:
مقادير تتبيلة الكزبرة والتوم:
تكفي كمية نص كيلو صدور فراخ
- حزمة كزبرة خضراء مفرومة.
- ٣معالق كبيرة زيت نباتي.
- ١ معلقة صغيرة توم مفروم.
- ٢ معلقة كبيرة عصير ليمون.
- بشر ليمونتين.
- ملح وفلفل.
اخلطي كل المكونات في محضرة الطعام او الهون وتبلي الفراخ واحفظيها في التلاجه لمده ٣ أيام، أو الفريزر في أكياس أو علب محكمة الغلق لمدة ٣ شهور.
مقادير تتبيلة الهريسة الحارة:
تكفي كمية نص كيلو صدور فراخ
- ١ معلقة كبيرة هريسة.
- ٢ معلقة صغيرة بابريكا.
- ٢ معلقة صغيرة عسل أبيض.
- ١ معلقة صغيرة توم مهروس.
- ملح وفلفل.
- ١ معلقة كبيرة عصير ليمون.
- ٣ معلقة كبيرة زيت نباتي.
التتبيلة الهندية:
- ١ كوب زبادي صغير.
- ٢ معلقة صغيرة عسل أبيض.
- ١ معلقة صغيرة كاري.
- ١ معلقة صغيرة كركم.
- ١ معلقة صغيرة جارام ماسلا.
- ٣ معالق كبيرة زيت نباتي.
- ١ معلقة كبيرة توم وجنزبيل مهروسين.
- ٢ معلقة كبيرة عصير ليمون.
- ملح وفلفل.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك