بيجي علينا وقت نفتح باب التلاجة ونتأمل فيها كام دقيقة وبعدين نطلع منها حاجة ناكلها مع إننا مش بنحبها أصلا، بواقي أكل بايت وناكله ساقع، مربى تين مع إننا بنحب الحوادق، بقية قطعة دونات ناشفة الولاد سايبينها، وبعد ما بناكل الكوكتيل ده بنحس بتأنيب الضمير والزعل أكتر وإحساس “إيه اللي أنا عملته في نفسي ده”.
وممكن نكون متغديين الغداء المتين ونيجي بالليل بعد ما الولاد وباباهم يناموا نطلب دبل بيج تيستي يطبطب علينا بالليل، وما بننساش نقول للديلفيري “ما تضربش الجرس”.
في المواقف دي واللي زيها، هل إنتِ بتكوني جعانة فعلا؟ ولا عاوزه تاكلي وخلاص؟
تعالي اعرفي في الفيديو ده “الجوع العاطفي” واللي بتكلمنا عنه الدكتورة نشوى فؤاد خبيرة التغذية العلاجية و مدربة الصحة ومؤسسة Health Care Center
وبعد ما شفتي الفيديو، حابين نقولك ألف هنا وشفا على قلبك في الحالتين.
What’s your Reaction?
التعليق باستخدام حساب فيس بوك