محتويات المقال
أوقات كتير بيكون عندما ملابس قديمة عزيزة على قلبنا وليها ذكرى حلوة معانا، بس للأسف ممكن يكونوا صغروا في المقاس أو بقوا قدام ومينفعش نستخدمهم مرة تانية وفي نفس الوقت مش قادرين نستغنى عنها.. عشان كده ممكن نعمل إعادة تدوير واستغلال الملابس القديمة في أعمال مفيدة، وفيه أفكار كتير جدًا لو دورتي على قنوات إعادة التدوير ممكن تستلهمي منها وتعيدي تدوير الملابس القديمة.. لو بتحبي الأعمال اليدوية وعندك ملابس قديمة مش عاوزة تستغني عنها، في المقال ده هنديكي شوية أفكار بالفيديو إزاي تستغلي الملابس القديمة في أعمال مفيدة.
اعادة تدوير الملابس القديمة للأطفال
طبعًا هدوم الولاد بتصغر عليهم بسرعة أو ممكن مع الجري والتنطيط تتوسخ ويبقوا مليانين بقع أو تتقطع، عشان كده مترميهمش واستفيدي منهم واعملي ليهم إعادة تدوير عشان يلبسوهم مرة تانية، حتى لبسك الكبار القديم ممكن تحوليه لبس للأطفال أ, ممكن تعملي منهم لعبة سوفت أو حتى ديكور.. اتفرجي على الفيديوهات دي عشان تعرفي تستغلي اللبس القديم بتاع ولادك.
اعادة تدوير الملابس القديمة لشنط
سواء عندك بنطلون جينز قديم أو تيشيرت أو حتى بنطلون بيت، ممكن تحوليهم لشنطة خروج ليكي أو حتى لبنتك.
أفكار مبتكرة لإعادة تدوير علب اللبن الصناعي
اعادة تدوير الملابس القديمة لمخدة
لو عندك تيشيرت قديمة ممكن بكل سهولة تحوليها لمخدة أو خدادية تستخدميها كديكور على كنب البيت في الليفينج أو ديكور على الأرض.
اعادة تدوير الملابس القديمة لمريلة مطبخ
طبعًا وقفة المطبخ بتحتاج للبس مريلة فوق اللبس عشان ريحة الطبخ وعشان البقع، اعملي إعادة تدوير للبسك القديم واعملي مريلة مطبخ ليكي وكمان ممكن تعملي لبنتك أو ابنك مريلة مطبخ صغيرة لو بيحبوا يقفوا معاكي وإنتي بتطبخي.. ممكن كمان تستخدمي المريلة دي ليهم وهما بيلونوا أو بيلعبوا بالصلصال عشان لبسهم ميتبقعش.
اعملي بنفسك صلصال لولادك في البيت
اعادة تدوير الملابس القديمة لسجادة
ممكن تعملي فكرة مبتكرة وجديدة لإعادة تدوير لبسك القديم وهي إنك تستخدمي قماش اللبس ده في عمل سجادة أو مشاية صغيرة ديكور.
أساسيات تصوير الأكل في البيت كالمحترفات
ودي كانت شوية أفكار بسيطة لإعادة التدوير، لو جربتي فكرة فيهم أو عملتي بنفسك فكرة جديدة مبتكرة شاركينا الأفكار دي في كومنت.
التعليق باستخدام حساب فيس بوك