محتويات المقال
مع كل اللي بيحصل حوالينا من الأخبار اللي بنسمعها عن فيروس كورونا، فيه أمهات كتير قررت تعمل عزل ذاتي. ومع تعطيل الدراسة أسبوعين وقرار الحكومة إن بعض الستات العاملات في القطاع العام ياخدوا أجازة في الأسبوعين دول، فيه مننا أمهات كتير موجودة مع ولادها. ومع قرارات قفل الجيم عشان منع الاختلاط والزحام اللي ممكن يؤدي لانتشار فيروس كورونا، بقى لازم إننا نلاقي طريقة عشان ما نغيبش عن الحياة الصحية. وبما إن برنامج Mama Transformation Program ضمن انشطة كتير بتتقدم في The Cloud وفي مساحات مختلفة تابعة لراحة بالي أخدت أجازة هي كمان لمدة أسبوعين تطبيقًا لقرارات الحكومة وحفاظًا على صحة أمهات راحة بالي، راحة بالي قررت توفر برامج صحية أونلاين. بنفكّرك إن الجسم الصحي استعداده لمقاومة الأمراض بيكون أقوى كتير.
كل اللي عليكي إنك تملي الاستمارة دي وراحة بالي هتتواصل معاكي.
برنامج رياضي مع النظام الغذائي
فقدان الوزن. حقوق الصورة: راحة بالي
برنامج مدته 4 أسابيع هيساعدك على فقدان الوزن وعلى إنك تحافظي على صحتك. تكلفة البرنامج 1600 جنيه ولو معاكي كارت راحة بالي، هيكون بـ1500 بس. هتتبعت لك أسبوعيًا وجبات الأسبوع كله والمدربة هتضيف 3 تمارين كل أسبوع على موقع وأبليكشن TrueCoach.
برنامج رياضي فقط
فقدان الوزن. حقوق الصورة: راحة بالي
ده برنامج مصمم عشان يساعدك توصلي لهدفك وتتمرني في الأيام اللي تختاريها، وتفضلي محافظة على صحتك. مش هتحتاجي في البرنامج أي معدات، وده هيسهل عليكي كتير إنك تتمرني في أي وقت وأي مكان في البيت. البرنامج اللي مدته 4 أسابيع ده تكلفته 1300 جنيه.
نظام غذائي فقط
فقدان الوزن. حقوق الصورة: راجة بالي
لو قلقانة (زيي) إنك تاكلي طول ما انتي قاعدة في البيت، أو لو كنتي (زيي برضه) بتطلّعي همك في الأكل. وخايفة إن كل ده يزود وزنك خلال فترة العزل دي، ممكن تشتركي في برنامج النظام الغذائي مخصص لكِ انتي. كل أسبوع، هتتبعت لك وجبات الأسبوع كلها. النظام ده هيكلفك بس جنيه في الشهر.
ما تنسيش تملي الفورمات وتختاري البرنامج اللي يناسبك.
التعليق باستخدام حساب فيس بوك