الناس اللي بتبرد بسرعة هيشتكوا دايمًا من برودة الأطراف وبالذات برودة القدمين. مهمًا تبقي لابسة طبقات فوق بعض، هتلاقي الإيد والمناخير والرجلين متلجين. وفي بعض الأحيان، كمان ممكن توصل لدرجة إن الدم مش بيوصل للأطراف. وفيه صعوبة في الوقوف على الرجل والحركة بشكل طبيعي. طيب إيه الحل عشان فصل الشتا يبقى هين وتقدري تدفي رجلك؟
أسباب برودة القدمين في الشتاء
قبل ما نتعرف على الحلول اللي تقدري تعمليها عشان تدفي رجلك في الشتا، تعالي نعرف الأول ليه أصلًا رجلك بتبقى باردة والأسباب بتكون من ضمنها:
-
مشاكل في الدورة الدموية
مشاكل الدورة الدموية ممكن تسبب إن الدم ما يوصلش بصورة كافية للقدمين. فبالتالي، بتحصل برودة وممكن كمان يحصل صعوبة أو ألم عند الوقوف.
-
الأنيميا
الشخص المصاب بفقر الدم (كمية قليلة من خلايا الدم الحمراء) غالبًا بيحصل له برودة في القدمين في فصل الشتاء.
-
قصور في الغدة الدرقية
قصور الغدة الدرقية بيؤثر على الدورة الدموية وبالتالي ممكن يحصل برودة في القدمين.
أسباب أخرى لبرودة القدمين في الشتاء:
- نمط الحياة قليل النشاط
- التدخين
- بعض مشاكل القلب
- مشاكل في الأعصاب
هنا ممكن تشوفي طرق علاج تشقق القدمين أثناء الحمل
حلول للتغلب على برودة القدمين في الشتاء
الحركة والنشاط علاج لتدفئة القدمين
علاج سريع لتدفئة القدمين في الشتاء
الحركة والنشاط بيساعد على تنشيط الدورة الدموية في الجسم وبالتالي وصول الدم للأطراف. كل فترة اتحركي في البيت أو اعملي بعض الحركات الرياضية الخفيفة زي تمارين الرجل أو السكواتس.
نقع القدمين حل لبرودة القدمين
علاج سريع لتدفئة القدمين في الشتاء
انقعي قدمك في الماء الساخن شوية قبل النوم ودلكيها عشان تنشطي الدورة الدموية وجففيها كويس ودفيها بشراب سميك.
أوميكرون .. سبب انتشاره في مصر وأعراضه وطرق الوقاية
قربة مياه ساخنة لتدفئة القدمين
علاج سريع لتدفئة القدمين في الشتاء
املي قربة بميه سخنة وحطيها عند القدم طول فترة الجلوس والنوم عشان تساعدك على تدفئة المنطقة بس لازم تخلي بالك من سخةونة الميه عشان تتفادي الحروق.
رجيم الشتاء: 10 أكلات شتوية هتساعدك تشبعي وماتكليش كتير
تدليك القدمين
علاج برودة القدمين في الشتاء
مع الحلول المقترحة اللي اتكلمنا عنها ممكن قبل النوم تستعيني بزيت عطري زي اللافندر وتدلكي رجلك بيه عشان تنشطي الدورة الدموية في المنطقة وتدفيها وبعدين تلبسي شراب سميك.
المشروبات الدافية
علاج برودة القدمين في الشتاء
اشربي المشروبات الساخنة زي الزنجبيل والقرفة اللي بتساعد على تدفق الدورة الدموية للأطراف وتدفئتك من برودة الجو.
التعليق باستخدام حساب فيس بوك